Baktria press Тошкент 2013 Ўзбекистон Республикаси Меҳнат ва аҳолини ижтимоий муҳофаза қилиш вазирлиги Бирлашган Миллатлар Ташкилотининг Тараққиёт Дастури

фойдаландим. Лекин, боламни соғлиғи унинг ёнида бўлишимни талаб қилмоқда. 
Айтингчи, мен ишимни йўқотмасдан, яна қандайдир таътил олишим мумкинми?
Ҳа, мумкин. Сиз иш ҳақи сақланмаган ҳолда таътил олишингиз мумкин. 
Меҳнат кодексининг 150-моддасини 2-чи қисмига кўра, сиз икки ёшдан уч 
ёшгача бўлган болани парваришлашда иш ҳақи сақланмаган ҳолда муқаррар 
тартибда таътил олишингиз мумкин.
224. Айтингчи, бола парваришида бўлган шахсларга бирон бир тўлов тўланадими?
Ҳа, тўланади. Меҳнат кодексининг 234-моддаси, 1-чи қисмига кўра, ҳоми-
ладорлик ва туғиш таътили тугаганидан кейин, аёлнинг хоҳишига кўра, унга 
боласи икки ёшга тўлгунга қадар болани парваришлаш учун таътил берилиб, 
бу даврда қонун ҳужжатларида белгиланган тартибда нафақа тўланади. Нафақа 
тўлаш Республика Вазирлар Махкамасининг 2013 йил 25-февралдаги 44-сонли 
қарори билан тасдиқланган «Кам таъминланган оилаларга ижтимоий нафақалар 
тайинлаш ва тўлаш тартиби туғрисида»ги низомга асосан амалга оширилади.
225. Айни пайтда мен бола парвариши таътилидаман ва нафақа оламан. Айтингчи, 
мен уйда ишлашим мумкинми ва бу нафақа олишимга таъсир қилмайдими?
Сиз болани парваришлаш таътили даврида тўлиқ бўлмаган иш вақти режи-
мида ёки иш берувчи билан келишиб, уйда ишлашингиз мумкин. Бу нафақа 
олишингизга таъсир қилмайди.
Меҳнат кодексининг 234-моддаси, 4-чи қисми асасида аёллар ўз хоҳишларига 
кўра, болани парваришлаш таътили даврида тўлиқ бўлмаган иш вақти режимида 
ёки иш берувчи билан келишиб, уйда ишлашлари мумкин. Бунда уларнинг нафақа 
олиш ҳуқуқлари сақланиб қолади.
226. Мен бола парвариши учун таътил олмоқчиман. Айтингчи, бундай таъ
-
тилда бўлиш вақтим иш стажимга қўшиладими?

---

101
11-БОБ
Меҳнат кодексининг 234-моддаси, 5-чи қисмига кўра, болани парваришлаш 
таътиллари даврида аёлнинг иш жойи (лавозими) сақланади. Бу таътиллар 
меҳнат стажига, лекин ҳаммасини жамлаганда кўпи билан уч йил, шу жумладан 
мутахассислиги бўйича иш стажига ҳам қўшилади.
227. Бола парвариши таътилидан чиққанимдан кейин, кадрлар бўлими менга 
таътилда бўлган вақт навбатдаги ҳақ тўланадиган йиллик таътил олиш 
ҳуқуқини берадиган иш стажига қўшилмайди деб айтди. Бу тўғрими?
Ушбу ҳолат жамоа шартномасида, корхонанинг бошқа локал ҳужжатида 
ёхуд меҳнат шартномасида қандай қоида акс эттирилганлигига боғлиқ. Агар 
ушбу ҳолат шартномада назарда тутилган бўлмаса, унда ҳақиқатдан ҳам 
Меҳнат кодексининг 234-моддаси , 6-чи қисмига кўра, болани парваришлаш 
таътилларининг вақти кейинги ҳақ тўланадиган йиллик таътил олиш ҳуқуқини 
берадиган иш стажига қўшилмайди.
228. Мен турмуш ўртоғим билан янги туғилган болани фарзандликка олмоқ
-
чимиз, лекин менинг турмуш ўртоғим бола парвариши учун таътил ола 
оладими, деб хавотирланаяпмиз?
Мумкин. Меҳнат кодексининг 235-моддаси янги туғилган болаларни бевосита 
туғуруқхонадан фарзандликка олган ёки болаларга васий қилиб белгиланган 
шахсларга бола фарзандликка олинган (васийлик белгиланган) кундан бошлаб, 
бола туғилган кундан эътиборан эллик олти календарь кун (икки ёки ундан ортиқ 
бола асраб олинган (васийлик белгиланган) тақдирда эса — етмиш календарь 
кун) ўтгунга қадар бўлган даврда давлат ижтимоий суғуртаси бўйича нафақа 
тўлаган ҳолда таътил беришни ва уларнинг хоҳишига кўра, бола уч ёшга тўлгунга 
қадар болани парваришлаш учун қўшимча таътиллар беришни назарда тутади.
229. Менинг турмуш ўртоғим олий таълим муассасасида дарс беради ва ном
-
зодлик ишини ёзмоқда. У жуда чарчаяпти ва уйқуга тўймаяпти. Мен унга ойлик 
иш ҳақи сақланмаган ҳолда таътил олишни таклиф қилган эдим, лекин у ойлик