Bаkiyеvа I. А., Kadrlar xizmatida ish yuritish. O‘quv qo‘llаnmа. – Т.: Iqtisodiyot, 2019. – 229 b

Tarix
fani
– inson jamiyatining taraqqiyoti jarayonlarini, mazkur 
rivojlanishning sabab va omillarini o’rganadi. Mazkur fan yutuqlariga asoslanib, 
hujjatlar bilan ishlash uslublarini yaratadi. 
Davlat muassasalari tarixi
— muassasa, tashkilot, idoralarning tashkil 
etilishidan to oxirgi kunigacha bo’lgan tizimi va vazifalarini o’rganadi. U turli xil 
muassasalarning faoliyati va vazifalari doirasiga ko’ra hujjatlar tarkibini 
aniqlashda yordam beradi. 
Manbashunoslik 
– hujjatlarni davlat saqloviga tanlab olishda, turkumlashda 
va ta’rif berishda, hujjatlarning tashqi va ichki tahlilini olib borishda yordam 
beradi. 

---

12 
Maxsus tarix fanlari, jumladan sfragistika, hujjatshunoslik, arxivshunoslik 
bilan ham chambarchas bog’liq. 
Sfragistika
— hujjatlarga qo’yilgan muhrlar orqali uning qaysi davlat, idora 
yoki mansabdor shaxsga tegishliligini aniqlashda yordam beradi. 
Hujjatshunoslik
— hujjat turlari, ularni rasmiylashtirish va hujjat 
aylanishini tashkil etish kabi masalarni to’g’ri tashkil etishni o’rganishda yordam 
beradi. 
Arxivshunoslik
— arxiv muassasalari saqlovxonasiga kelib tushgan shaxsiy 
tarkib hujjatlari, fond tashkilotchilari, ularning tarkibiy bo’linmalari, hujjat 
turlarini tadqiq etishda alohida ahamiyat kasb etadi. 
Shuningdek, zamonaviy talablar asosida xodimlar faoliyatiga doir shaxsiy 
tarkib hujjatlarini to’g’ri yuritishni tashkil etishda 
informatika 
fani ham alohida 
ahamiyatga ega. Fan yutuqlari asosida shaxsiy tarkib hujjatlarini qidirib topish, 
hujjatlar hisobini yuritish va but saqlanishini ta’minlash kabi ishlarni maxsus 
dasturlar yordamida avtomatlashtirishda yetakchi tashkilot, korxona va 
muassasalar tomonidan qo’llanib kelinmoqda. 
Umuman olganda, kadrlar xizmatida ish yuritish fanini o’rganishni bir qator 
boshqa fanlar bilan bog’liq ravishda olib borish hamda olgan nazariy bilimlarni 
amaliyotda muassasalar faoliyatini takomillashtirishda qo’llash joizdir.