B. S. Usmanov konservalash texnologiyasi asoslari

Lavlagini quritish.
Quritish uchun lavlagini qora-qizil ranglisi tanlanadi. 
Lavlagi o‗lchamlari bo‗yicha kalibrovkalanadi, yuviladi, keyin qaynoq suvga 20-
30 minut davomida solib qo‗yilishi zarur. Oxirida lavlagi yumshoq, ozroq 
pishmagan holga keladi. Undan so‗ng lavlagi sovuq suvda sovitiladi, po‗sti archilib 
tashlanadi. Ildizmeva bir hilda, lapsha, ugra shaklda kesilib, simli to‗rga qo‗yib, 
oftobli quritish maydonchasida yoki quritkichlarda 70-80 daraja haroratda, 
tarkibida 12 % nam qolguncha quritiladi.
Sabzini quritish. 
Quritish uchun sabzining sap-sariq navi olinadi, Chunki 
bu nav A vitamini va karotinga boy bo‗ladi. Sabzi tozalanadi, yuviladi va 
kesilmasdan shunday holda 15-25 minut qaynoq suvga botirib qo‗yiladi. So‗ngra 
sovuq suvda sovitilib, 3-4 mm qalinlikda bir hil qilib (lapsha, ugra, payraha, aylana 
shakllarida) kesiladi. Quritish jarayoni aynan lavlaginikiga o‗xshash.
Eslatma.
Qaynoq suvga solib olinmasdan quritilgan sabzida karotin 
moddasi yaxshi saqlanmaydi, shuning uchun vaqt o„tishi bilan uning ta‟mi va 
rangi o„zgarib boradi. 
 

---

116 
Qovunni va qovoqni quritish 
Qovun quritish O‗rta Osiyo Respublikalarida ko‗plab amalga oshiriladi. 
Buning uchun qovunning qalin mag‗izli qandli navlaridan bo‗lgan: gulobi, 
umrvoqi, uchqizil, quybesh va boshqalaridan foydalaniladi. To‗liq pishgan 
qovunlar navlarga ajratiladi, bir qator qilib so‗rilarga terib qo‗yiladi va 
yumshagunicha (so‗liguncha) qoldiriladi, shundan so‗ng ular yuviladi, qovun 
uzunligi bo‗yicha 2-4 sm. qalinlikda kesiladi, qovun urug‗laridan tozalanadi va 
po‗stlog‗ining ko‗ksimon qismlari ham olib tashlanadi. Shu tartibda tayyorlangan 
qovun bo‗laklari faner bo‗laklari yoki barkashlarga taxlanib chiqiladi, doka bilan 
yopiladi va oftob (quyosh) ga quritish uchun qo‗yiladi. Qovun bo‗laklarini 
ilgaklarda ham quritish mumkin. Qovunlarni quyoshda quritish 8-12 kun davom 
etadi. Quritilgan qovun och sariq va och jigarrang tusda (rangda), ushlab 
ko‗rilganida juda ham yumshoq bo‗ladi.