B abdullayeva, M. Usmonbayeva, O’. Asqarova, F. Ehsonova, S. Hakimov

 
Ta’limning  umumlashtirilgan  guruhli  shakli
  –  har  biri  guruh  tomonidan 
yagona topshiriqning faqat bir qismi bajarilishini nazarda tutadi. 
 
Ta’limning  uzluksizligi 
–  yagona  ta’lim  tizimi  bosqichlarining  ketma-ketligi 
asosida  o’quvchilarga  beriladigan  ilmiy  bilimlarning  oddiydan  murakkabga  qadar 
bosqichma-bosqich  rivojlantirib  borishi,  ular  o’rtasidagi  mantiqiy  izchillikning 
ta’minlanishi. 
 
Ta’limni  rivojlantirish  fond  (jamg’arma)lari 
–  o’quvchi  (talaba),  shu 
jumladan,  kam  ta’minlangan,  imkoniyati  cheklangan  o’quvchi  (talaba)larning 
to’laqonli  ta’lim  olishlarini  ta’minlash,  iqtidorli  yoshlarni  qo’llab-quvvatlash, 
qobiliyatlarini yanada rivojlantirish, maqsadida tuzilgan ijtimoiy (nodavlat, turli mulk 
shakliga  ega  tashkilotlarning  tashabbusi  bilan  tashkil  etilgan)  yoki  davlat  (davlat 
byujdetidan  moliyalashtiriladigan)  tashkilotlari.  Respublikada  ta’limni  rivojlantirish 
fond  (jamg’arma)lari  qonun  hujjatlarida  belgilangan  tartibda  yuridik  va  jismoniy 
shaxslarning,  shu  jumladan,  chet  ellik  yuridik  va  jismoniy  shaxslarning  ixtiyoriy 
badallari  hisobidan  tashkil  etiladi.  Bu  kabi  jamg’armalarning  faoliyatida  kam 
ta’minlangan,  imkoniyati  cheklangan,  shuningdek,  iste’dodli  o’quvchi  (talaba)lar 
uchun  stipendiyalar  ajratish,  ta’lim  olishlari  uchun  zarur  moddiy  shart-sharoitlarni 
yaratish,  xalqaro  va  respublika  miqyosida  tashkil  etiladigan  turli  tanlov,  ko’riklarda 
qatnashishlariga  ko’maklashish,  turli  bepul  ta’lim  xizmatlarini  ko’rsatish  va  sh.k. 
muhim o’rin tutadi.