B abdullayeva, M. Usmonbayeva, O’. Asqarova, F. Ehsonova, S. Hakimov

M 
 
Madaniyatshunoslik
  –  madaniy  rivojlanishning  jamiyat  taraqqiyotidagi  o’rni, 
tabiat,  atrof-muhitga  ta’siri,  madaniyat  turlari,  fan,  din  va  san’at  turlarining 

---

 
117 
rivojlanish asoslarini o’rganadigan fan.    
 
Magistratura
  (lot.  “magistratus”  –  ikkinchi  akademik  daraja)  –  aniq 
mutaxassislik  bo’yicha  bakalavriat  negizida  kamida  ikki  yil  davom  etadigan  oliy 
ta’lim.  Magistraturada  ta’lim  yakunlangach  bitiruvchilarga  davlat  attestatsiyasi 
komissiyasining  yakuniy  xulosasiga  muvofiq  aniq  mutaxassisligi  ko’rsatilgan 
“magistr”lik  darajasi  va  magistrlikni  tasdiqlovchi  davlat  namunasida  ko’rsatilgan 
diplom  beriladi.  Magistratura  ta’limi  dasturining  tarkibiy  qismi,  magistr  tayyorlash 
darajasi,  o’quv  vazifalarning  maksimal  hajmi,  kadrlar  tayyorlash  sifat  nazoratining 
protsedura  va  mexanizmlari  O’zbekiston  Respublikasi  Vazirlar  Mahkamasi 
tomonidan tasdiqlangan “Oliy ta’lim muassasalarining faoliyati to’g’risida”gi Nizom 
(2001 yil avgust) talablariga muvofiq belgilanadi. 
Magistrning  professional  faoliyat  sohasi  va  turi  tavsifnomasi,  kvalifikatsion 
talablar  va  o’quv  fanlari  bo’yicha  talablar,  ta’lim  dasturining  tarkibiy  tuzilmasi  va 
tarkibi, uni  amalga oshirish  mexanizmi, sifatini  nazorat qilish magistraturaning  aniq 
mutaxassisligi  bo’yicha 
DTS 
negizida 
aniqlanadi. 
Magistraturaning 
mos 
mutaxassisligi  uchun,  DTS  asosida,  oliy  ta’limni  boshqarish  bo’yicha  davlatning 
vakolatli  organi  tomonidan  tasdiqlangan  o’quv  rejalari  va  dasturlar  ishlab  chiqilib, 
ular asosida o’quv fanlari yaratiladi. 
Oliy  ta’lim  muassasasida  magistratura  yo’nalishini  ochishning  asosiy  sharti  – 
o’quv  tarbiyaviy  jarayon  bilan  bog’liq  va  yuqori  malakali  mutaxassislarning 
tayyorlanishini  ta’minlovchi  mos  kafedralarning  ilmiy  pedagogik  potentsialga 
egaligi,  ilmiy  tadqiqot  ishlarining  yuqori  darajada  olib  borish  imkoniyatining 
mavjudligi hisoblanadi. 
Magistrlarni  yangi  mutaxassisliklari  bo’yicha  tayyorlash  huquqi  oliy  ta’lim 
muassalarining  oliy  ta’limni  boshqarish  bo’yicha  davlat  vakolatli  organi  rasmiy 
iltimosiga  binoan  O’zbekiston  Respublikasi  Vazirlar  Mahkamasiga  belgilangan 
tartibda taqdim etiladi. 
Oliy ta’lim  muassasasi strukturasida magistraturaning maxsus bo’limi (fakultet, 
markaz)  ochiladi  va  unga  quyidagi  vazifalar  yuklatiladi:  talabalarning  o’quv-
tarbiyaviy  jarayonini  tashkillashtirish  va  nazorat  qilish,  o’quv-uslubiy  xujjatlar  va 
o’quv-uslubiy  ta’minotni  ishlab  chiqish;    magistrlar  yetishtirib  beruvchi  kafedralar 
faoliyatini koordinatsiyalash;  magistrlar tayyorlash jarayonining monitoringini izchil 
olib borish. 
Davlat  namunasidagi  bakalavr  va  magistr  diplomlari  diplom  egalariga 
mutaxassisliklari  bo’yicha  kasbiy  faoliyat  bilan  shug’ullanish  yoki  o’quv 
muassasasida kelgusida o’qishni davom ettirish imkonini beradi. 
 
Magistr
 (lot. “magistr” – boshliqlar, murabbiylar, amaldorlar) ma’lum ixtisoslik 
bo’yicha  ta’lim  olgan  yuqori  malakali,  aspiranturaga  kirish  huquqi  hamda  ilm-fan 
sohasida,  ishlab  chiqarishning  masuliyatli  lavozimlarida  faoliyat  ko’rsatish 
imkoniyatiga ega mutaxassis.