Azot (I, II va IV)-oksidlarini olinishi va xossalari. Nitrit kislotasi olinishi va xossalari. Nitrat kislotasining olinishi va xossalari

1.Azot (I) oksidining olinishi va xossalari.
1-tajriba. Probirkaga ozroq ammoniy nitrat tuzidan soling va ehtiyotlik bilan (nima uchun?) qizdiring. Probirkaning og‘ziga cho‘g‘ tuting. Nimani kuzatdingiz? Ajralayotgan gazning tarkibi qanday? Uning rangi va hidini aniqlang. Reaksiya tenglamasini yozing.


2.Azot (II) oksidining olinishi.
(Tajribani mo‘rili shkafda bajaring.)
1-tajriba. 84-rasmga ko‘ra asbob yig‘ing. Kolbaga 10-15 g. mis qirindisidan soling, tomizg‘ich voronkasiga suyultirilgan (1:1) nitrat kislota eritmasidan quying. Mis qirindisiga ozroq kislotadan quying. Agar reaksiya boshlanmasa kuchsiz qizdiring. Gazning kolbada rangi o‘zgarishini tushuntiring. Naydan chiqayotgan gaz havoda qo‘ng‘ir rangga bo‘yala boshlasa (nima uchun?), uni suv ustida uchtasilindrga (bankaga) yig‘ing. Agar kerak bo‘lsa, voronkadan kolbaga oz-ozdan kislota quyib turing. Silindrlar azot (II) oksidi bilan to‘ladi va keyingi tajribalar uchun saqlab qo‘ying. Gazning rangini aniqlab qo‘ying. Reaksiya tenglamalarini yozing.

84-rasm . Azot (II) oksidni olish uchun asbob.

3 .4- tajriba bajarilganidan so‘ng kolbadagi cho‘kmani erib ketgunicha qizdiring va filtrlang. Kosachada filtratni ozroq hajmda modda qolgunicha parlating va sovuting. Tuz kristallarining hosil bo‘lishini kuzating. Ularning tarkibi qanday?