Azot (I, II va IV)-oksidlarini olinishi va xossalari. Nitrit kislotasi olinishi va xossalari. Nitrat kislotasining olinishi va xossalari

6.Azot (IV) oksidining xossalari
( 1- va 3- tajribalarni mo‘rili shkafda o‘tkazing )
1-tajriba. Azot (IV) oksidida cho‘g‘ va yondirilgan fosforlarning yonishini tekshirib ko‘ring. Reaksiya tenglamalarini yozing. Tajriba natijalarini 3 tajriba natijalari bilan solishtirib, qaysi oksid oson kislorod ajratishi haqida hulosa qiling.
2-tajriba. 5. 1- tajribada olingan azot (IV) oksid bilan to‘ldirilgan silindr (probirka) ni suv vannasiga tushurib shisha plastinkani oling. Nimani kuzatdingiz? Silindrda suv sathining o‘zgarishi to‘xtaganidan so‘ng, silindrni shisha plastinka bilan berkitib, vannadan oling. Hosil bo‘lgan eritmani indikator qog‘oz bilan sinab ko‘ring. Kuzatilgan xodisani tushuntiring. Reaksiya tenglamasini yozing.
3-tajriba. 5 2- tajribada olingan azot (IV) oksidli kolbani shtativga mahkamlang, gaz o‘tkazgich nayni oxirgi uchini issiq suvli vannaga tushuring va issiq suv bilan to‘ldirilgan silindr (probirka) ostiga keltiring. Rezina nayidagi qisqichni oling va kolbani kichik alangada ehtiyotlik bilan qizdiring. Silindrda yig‘ilayotgan gazning rangiga e’tibor bering. Idishni yarmi gaz bilan to‘lganidan so‘ng, nayni suvdan oling va qizdirishni to‘xtating. Silindrni shisha plastinka bilan berkiting va suvdan oling. Silindrda qanday gaz yig‘ilganligini isbotlang va eritma qanday muhitga ega ekanligini lakmus bilan aniqlang. NO₂ ni suv bilan amalda qanday reaksiyaga kirishish tenglamasini yozing.