Avtotransport vositalari servisi asoslari

Nazorat savollari
1. CHervyakli rul boshqarmasi nosozliklari
2. CHervyakli rul boshqarmasiga TXK
3. Reykali rul boshqarmasi nosozliklari
4. Reykali rul boshqarmasiga TXK
5. Pnevmotormoz nosozliklari
6. Pnevmotormozga TXK

---

16-mavzu. Avtomobilning yurish qismiiga TXK va T ishlari texnologiyasi.
Reja:
1. Yurish qismida uchraydigan asosiy nosozliklar va ularning alomatlari.
2. Yurish qismiga TXK va T ishlari texnologiyasi.
3. G’ildiraklarni o’rnatish burchaklarini aniqlash texnologiyasi.
4. Yurish qismini moylash ishlari. Amortizator va g’ildiraklarga TXK va T islari (static va dinamik
muvozanatlash) texnologiyasi.
5.
SHinalarga TXK va T ishlari texnologiyasi.
Tayanch iboralar:
yurish qismi, amortizator, ressora, prujina, tortqi, osma, rama, podshipniklar, moy,
o’rnatish burchagi, g’ildirak, shina, nosozlik, buzilish, diagnostika, TXK, ta’mirlash.
Yurish qismi ramalar, o’qlar va g’ildirak osmalaridan iborat bo’lib, ularning nosozligi avtomobil
harakatlanishida shovqin, tebranish, g’ichirlash va siltanish kabi noxush holatlarni ketirib chiqaradi.
Natijada haydovchi va yo’lovchilarning toliqishi va avtomobilda tashiladigan yukning saqlanuvchanligi
susayadi. Yurish qismidagi asosiy nosozliklar. Yurish qismi elementlaridagi nosozliklar asosan
avtomobilning eng yuqori (maksimal) yuk ko’taruvchanligidan ortiqcha yuklanish bilan, shuningdek,
shakl berilmagan yo’llarning og’ir sharoitlarida ishlatilganda yuzaga keladi. Rama qoldiq deformatsiya
olib egiladi, unda yoriqlar paydo bo’ladi, parchin mixli birikmalar bo’shashadi, dvigatel transmissiya
agregatlarini o’zaro to’g’ri joylashuvi buziladi. Oldingi o’qdagi asosiy nosozliklarga to’sinni egilishi,
shkvoren va shkvoren vtulkalarining yeyilishi, g’ildirak podshipniklarining oboymalari o’rnashadigan
joylarning ishdan chiqishi, g’ildiraklarni o’rnatish burchaklarining buzilishi va shu kabilar kiradi.
O’rnatish burchaklarining buzilishi oqibatida avtomobilni boshqarish yomonlashadi va shinalarni
yeyilishi ortadi. Ressorning sinishi yoki osma prujinasining cho’kib qolishi, shuningdek,
amortizatorlarning buzilishi ham oxir-oqibatda shinalarning tez yeyilishiga olib keladi. Yurish qismining
ko’rsatib o’tilgan nosozliklari avtomobilni to’g’ri chiziqli harakatdan o’ngga yoki chapga toyishiga, katta
tezlikda harakatlanishda oldingi g’ildiraklarning lapanglashiga, avtomobilning bir tomonga og’ishiga,
harakatlanish paytida osma atrofida taqillash va tebranishlarga olib keladi.
Yurish qismining agregatlari va uzellaridagi nosozliklar qisman KXK vaqtida aniqlanadi. TXK
ning ish hajmiga amortizatorlarni, oldingi va orqa osmalarning holatini hamda mahkamlanishini
tekshirish, g’ildirak gupchagi podshipniklaridagi va buriluvchi tsapfa shkvorenlaridagi lyutflarni
o’lchash, shuningdek, ramani va oldingi o’q to’sinining holatini baholashlar kiradi. Moylash xaritasiga
mos ravishda grafik bo’yicha, buriluvchi tsapfa shkvorenlarining sharnirli tayanchlari yoki podshipniklari
moylanadi. SHinalar ahvoli va ulardagi havo bosimi tekshiriladi, zarur bo’lsa normaga keltiriladi.
Navbatdagi TXK da yuqorida aytib o’tilgan ishlarga qo’shimcha ravishda oldingi va orqa
ko’priklarni to’g’ri o’rnatilganligi, oldingi g’ildiraklarni o’rnatish burchaklari tekshiriladi hamda zarur
bo’lsa rostlanadi, oldingi va orqa ressoralarning barmoqlari, uzangisimon tortqilari va ularning xomutlari,
ammartizatorlar va ressora yostiqchalar mahkamlanadi, g’ildirak podshipniklariga minimal tirqishlar
qo’yiladi.
Rama va osmalarga texnik xizmat ko’rsatish. Ramani ko’rikdan o’tkazib, uning geometrik shakli
va o’lchamlaridagi o’zgarishlar, darzlar mavjudligi, lanjeronlar va ko’ndalang to’sinlarni egilganligi,
ressora, ressora listlarining ostki shaybalarining holati va amortizatorlar kronshteynlari ramaga
mahkamlanishi tekshiriladi.
Ramaning geometrik shakli, rama kengligini lanjeronlarning tashqi tekisligi bo’yicha oldindan va orqadan
o’lchab ko’rib tekshiriladi. Rama kengligidagi farq GAZ avtomobillari uchun 4 mm. dan ortmasligi
lozim. Rama lanjeronlarini boshlang’ich holatga nisbatan surilishini, ramadagi ko’ndalang to’sinlar
orasidagi diagonallarni ayrim uchastkalarda o’lchab ko’rib aniqlash mumkin. Har bir uchastkalardagi
diagonallar uzunligi bir xil bo’lishi kerak. Minimal chetga chiqishlar 5 mm dan ko’p bo’lmasligiga ruxsat
etiladi. Ko’priklarni o’zaro vaziyati, oldingi va orqa ko’priklar o’qlari orasidagi masofa o’ng hamda chap
tomondan o’lchab ko’rib aniqlanadi.
O’lchangan masofalarni bir-biridan farq qilishiga ruxsat etilmaydi. Agar rama holatini
tekshirishda uning konstruktsiyasida jiddiy nosozliklar yoki asosiy o’lchamlarda ruxsat etilgan
qiymatlardan chetga chiqishlar aniqlansa, avtomobil asosiy ta’mirlashga jo’natiladi. Osmalarni holati,
texnik xizmat ko’rsatish chog’ida tashqi ko’rikdan o’tkazib, ularning mahkamlanishi esa kuch qo’yish
orqali tekshiriladi.

---

Ressorani ko’rikdan o’tkazib, singan yoki darz ketgan listlar (varaqlar) aniqlanadi. Ressoralar
ko’zga ko’rinadigan darajadagi bo’ylama siljishga ega bo’lmasligi kerak. Bunday holat markaziy boltni
kesilishi oqibatida sodir bo’lishi mumkin. Ressoralarni ishonchli mahkamlanishini tekshirishda alohida
e’tiborni uzangisimon tortqi gaykalarini qanday tortilganligiga hamda ressorani sharnirli mahkamlaydigan
vtulkalardagi
eyilishlarning bor-yo’qligiga qaratish lozim. Agar ressorani bir uchi rezina yostiqchalarga mahkamlangan
bo’lsa, yostiqchalarning butunligi va ularning tayanchda to’g’ri joylashganligi tekshiriladi. Ressoraning
uzangisimon tortqilaridagi va xomutlaridagi gaykalarni bir tekisda, avval oldingilari (avtomobilning
harakatlanishi bo’yicha), keyingilari tortib qo’yiladi.
Ressoralarni elastikligi ularning erkin holatdagi yoysimonligi bo’yicha tekshiriladi. Bu
ko’rsatkichni ressora uchlari orasidagi ip tortib va ipdan, egilgan o’zak listni (varaqni) o’rtasigacha
bo’lgan tik masofani o’lchab aniqlash mumkin. Avtomobil osmalaridagi ressoralar bir-biridan
yoysimonlik bo’yicha 10mm dan ko’p farq qilmasligi kerak. Avtomobil harakatlanganda ressoralarda
g’ichirlashlar, shuningdek, listlarda (varaqlarda) zanglar paydo bo’lsa, ularni kirlardan tozalash, kerosinda
yuvish va grafitda moylash lozim bo’ladi. Amortizatorlarga texnik xizmat ko’rsatish ularning
mahkamlanishini tekshirishdan va yeyilgan rezina vtulkalarni o’z vaqtida almashtirishdan iborat bo’ladi.
Zichlikni nazorat qilishga qaratiladi. Agar amortizator o’z xossalarini yo’qotgan va sirtida suyuqlik oqqan
bo’lsa, amortizator ta’mirlanadi, sinovdan o’tkaziladi, so’ng avtomobilga o’rnatiladi.
1-rasm.
Ishlash jarayonida
amortizatorning
shikaslanish va ishdan
chiqish joylari.
Ishlash jarayonida amortizatorning texnik holati yomonlashib boradi, ammo buni har doim ham
haydovchi sezmaydi. 1-rasmda ishlash jarayonida paydo bo’ladigan nosozliklar 1 - 6 raqamlar bilan
belgilangan. Amortizatorning eng ko’p tarqalgan nosozliklariga quyidagilar kiradi:
1-amortizator shtoki salnigining yirtilishi;
2-amortizatorning ichki (klapan birikmasi va porshenning yeyilishi) shikastlanishi;
3-amortizatorning mexanik shikastlanishi-darz ketish, korpusning pachoqlanishi, shtokning qiyshayishi;
4- amortizatorning buzilishi – shtokning sinishi, saylentbloklarning yoyilishi va uzilib chiqishi;
5-amortizatorga quyilgan suyuqlik xossalarini me’yoriysiga to’g’ri kelmasligi;
6- amortizatordan gazning chiqib ketishi.
Amortizatorlarning ishlash qobiliyatini bir necha usullar bilan aniqlash mumkin. Eng ko’p
tarqalgan usul ishlash jarayonida texnik tavsifini o’zgarishi hisoblanadi. Quyida ishlash jarayonida paydo
bo’ladigan nosozliklar, ularning sabablari va bartaraf etish usullari keltirilgan.
Oldingi ko’prik nosozliklariga gupchak podshipniklari tarangligining buzilishi, ko’prik balkasi va
burilish richaglarining egilishi, shkvorenni o’rnatish teshigining, shkvoren va uning vtulkasining
yeyilishi, buriluvchi tsapfalar podshipniklarini o’rnatish teshigining yeyilishi misol bo’ladi. Oldingi
ko’prik detallarining yeyilishi g’ildiraklar o’rnatish burchaklarini (7.64-rasm) buzilishiga, shinalarning bir
tomonlama yeyilishiga va avtomobilni boshqarishni qiyinlashishiga olib keladi.
Avtomobillarning gupchagi podshipniklarini sozlash tormoz barabanini erkin holda aylanishi
vaqtida bajariladi. Gupchak sozlovchi gaykasini oxirgacha kalit yordamida tortiladi va GAZ
avtomobillarida 1-5 aylanishga orqaga aylantiriladi, ZIL avtomobillarida esa eng yaqin shplint
o’rnatuvchi teshikkacha orqaga buraladi.

---

1-jadval.