Avtomobil indd

Me’yorlarning o‘zgarishi.
Aniq ish sharoitiga qarab me’yorlar 
ko‘paytirilishi yoki kamaytirilishi mumkin. Me’yorlarning 
ko‘paytirilishi yoki kamaytirilishi ko‘zda tutadigan tuzatishlarni 
bir vaqtda keltirish zarur bo‘lganida yonilg‘i yo‘l me’yori quyida 
keltirilgan tuzatishlar yig‘indisini yoki ularning ayirmasini 
hisobga olib belgilanadi. 
ATK rahbarlariga, umuman, korxona bo‘yicha yo‘l 
me’yorlari asosida aniqlangan kerakli yonilg‘i chegarasida 
avtomobil yonilg‘isi sarfining differensiallangan marshrut 
me’yorini belgilash huquqi berilgan. 

---

244
245
Me’yorlorni ko‘paytirish.
Yonilg‘ining yo‘l me’yori quyidagi 
hollarda ko‘paytiriladi:
– qish mavsumida janubiy hududlarda ishlaganida 5 foiz-
gacha, shimoliy hududlarda 15 foizgacha;
– dengiz sathidan 1000 dan 1500 m gacha baland bo‘lgan 
tog‘li joylarda 5 foizga, 1501 dan 2000 m gacha baland joylarda 
10 foizga, 2001 dan 3000 m gacha baland joylarda 15 foizga, 
3000 m dan ortiq bo‘lganida 20 foizgacha;
– murakkab yo‘llarda ishlaganida (o‘rtacha 1 km yo‘lda 
besh tadan ortiq radiusi kamida 40 m bo‘lgan aylanishlar 
bo‘lganida) 10 foizgacha;
– avtomobilni tez-tez to‘xtatish talab etiladigan shahar 
chegarasida ishlaganida (avtomobil umumiy yo‘lining o‘rtacha 
har 1 km ida 1 martadan ortiq to‘xtatilsa) 10 foizgacha;
– avtomobilga uni kichik tezlikda haydash talab etiladigan 
yuk ortilganida 10 foizgacha;
– yangi va to‘la ta’mirdan chiqqan avtomobillar dastlabki 
ming km yo‘lda ishlatilganida 5 foizgacha;
– yuk avtomobillari soatbay ishlaganida yoki korxona 
hududida, sexlar ichida va boshqa joylarda texnologik transport 
sifatida kecha-yu kunduz ishlaganida 10 foizgacha;
– karyerlarda ishlaganida (yo‘l sharoiti og‘ir bo‘lganida), 
dalada yurganida (qishloq xo‘jaligi ishlari bajarilayotganda), 
shuningdek, yog‘och tashilayotganida (o‘rmon uchastkalaridan 
asosiy magistrallargacha) 20 foizgacha;
– avtomobilni boshqarish o‘rgatilayotganida 20 foizgacha;
– loygarchilik mavsumida og‘ir yo‘l sharoitlarida qor yoki 
qum uyumlarida ishlaganida ko‘pi bilan 1 oy muddatga 35 
foizgacha.