Avtomatika va energetika

8.3- rasm. Bo‘sh uchlari haroratiga tuzatmani avtomatik kiritish qurilmasida TEYKni o‘lchash chizmasi.

Shunday qilib, Uab potensiallar farqi haroratdan, xuddi termometrning TEYK o‘zgarishidek, o‘zgaradi. Uab kuchlanish bo‘sh uchlari harorati E(t₀, 0) qo‘shimcha qiymatiga teng. Termoelektrik termometrlarning bo‘sh uchlari bu qurilmalarning qisqichlarida joylashgan, ya’ni termometr bo‘sh uchlarining harorati va qurilma harorati 0 teng, bu esa Uab ni ushbu tuzatmaga to‘g‘ri kelishini ta’minlaydi, shu sababli bu tuzatmani ushbu haroratda bo‘sh uchlariga kiritish lozim.

Tuzatma avtomatik qurilmaga termoelektrik termometr bilan ketma-ket kiritiladi, bunda tuzatma U_ab = E(t₀, 0) termoelektrik termometrning TEYK bilan qo‘shiladi. Shunday qilib, o‘lchash asbobiga kirishida u U_ab = E(t₀, 0) ga teng bo‘lishi lozim.

Sanoatda va laboratoriyalarda qo‘llaniladigan millivoltmetrlar ko‘rsatuvchi, o‘zi yozuvchi va boshqariladigan bo‘lishi mumkin. Konstruksiyasining bajarilishi nuqtai nazaridan asboblar shchitda o‘rnatiladigan va ko‘chma bo‘ladi. Ko‘chma asboblar uchun 0,2, 0,5 va 1,0, shchitda o‘rnatiladiganlari uchun 0,5; 1,0 va 1,5 aniqlik klasslari belgilangan.

Millivoltmetr shkalasida u bilan komplektda ishlaydigan termojuft yoki to‘la nurlanishli pirometrning darajalanishi ko‘rsatiladi.