Avtomatika va energetika

Mikromanometrlar. Juda kichik bosimlarni o‘lchash uchun og‘ma naychali mikromanometrlar ishlatiladi (9.3- rasm).



9.3- rasm. MMH mikromanometrining chizmasi.

Ishchi suyuqlik sifatida ularda asosan distillangan suv yoki etil spirtidan foydalaniladi. Naycha og‘ma vaziyatda bo‘lgani sababli o‘lchanayotgan bosimni muvozanatlaydigan suyuqlik ustunining uzunligi quyidagicha bo‘ladi:

h = n sina, (9.6)

bunda: n — suyuqlik meniskining shkala bo‘ylab siljishi, m.

Ortiqcha bosimni mikromanometr yordamida o‘lchanishi quyidagi tenglamaga ko‘ra aniqlanadi:

p = nrg sina. (9.7)

Bunday asboblar 160—1000 Pa chegaradagi bosimlarni o‘lchashga mo‘ljallangan, ularning xatoligi ±1,0 %dan oshmaydi.

Bosimning kengayishi yoki farqini keng chegaralarida o‘lchashga to‘g‘ri kelgan hollarda o‘zgaruvchan og‘ish burchakli mikromanometrlardan foydalaniladi. MMH mikromanometri shunday asboblardan biri bo‘lib, 0,5 va 1,0 aniqlik klassi bilan 0—24 kPa o‘lchash chegarasiga mo‘ljallab chiqarilgan.

Yuqorida keltirilgan suyuqlikli asboblar laboratoriya va ishlab chiqarish tajribasida keng qo‘llaniladi. Ularning kamchiliklari ko‘rsatishni masofaga uzatish mumkin emasligi, o‘lchash chegaralarining kichikligi, ko‘rsatkichlarning yaqqol emasligi va mexanik mustahkam emasligidan iborat.