Қаттиқ жисмлар структураси. Қаттиқ жисмдаги ион, ковалентва металлик боғланишлар. Кристалл панжаралар. Браве панжараси

Қаттиқ жисмлар структураси.
1.Қаттиқ жисмдаги ион, ковалентва металлик боғланишлар.
2.Кристалл панжаралар. Браве панжараси.
3.Тугунлар, йўналишлар ва текикликларни кристаллларда белгиланиши (Миллер индекслари).
Кристалл тизимлари
Кристалл панжаранинг тузилиши унинг изотропик ва анизотропик ҳоссаларини тақозо қилади: изотропия кристаллнинг барча йўналишларининг ҳар бир нуқтасида физик ҳоссалари бир хил бўлишлигини, анизортропия эса турли йўналишларда кристаллнинг ҳоссалари турлича бўлишлигини билдиради.
Содда панжаралар симметрияси 7 - та кристалл тизимга (сингонияга) бўлинади. Аслида, кристалл тизимларга ажратиш, Бравэ панжараси эга бўлган турли тартибли симметрия ўқларининг сони бўйича бажарилади. Фазовий панжара симметрияси панжара асосий параллелепипедининг симметрияси билан ҳамма вақт ҳам мос тушавермайди. Аммо, гексагонал панжарадан бошқа, ҳар қандай содда панжарада, барча симметрия элементларига эга бўлган параллелепипедни ажратиб олиш мумкин. Бундай параллелепипедларнинг энг кичиги Бравэ параллелепипеди дейилади, улар 6 хил кўринишга эга. Буларга гексагонал панжара қўшилса 7 - та асосий кристалл тизимлари ҳосил бўлади.
Бу кристалл тизимларини қисқача тарифлаймиз.
Кубик тизим. Бу тизимга уч хил панжара: содда, ҳажм бўйича марказлашган, ёнлари марказлашган кубик панжаралар киради. Ягона фазовий параметр Бравэ куби қиррасининг а узунлигидир.
Тетрагонал ёки квадратик тизим
Бравэ параллелепипеди асоси квадрат бўлган тўғри призмадир. Бу тизимга содда ва ҳажм бўйича марказлашган панжаралар киради. Тетрагонал панжаранинг иккита параметри бор: квадрат асоси қиррасининг а узунлиги ва параллелепипеднинг с баландлиги.
Гексагонал тизим
Бу тизимнинг асосини мунтазам олти қиррали призма ташкил қилади. Унинг асосий параметрлари – призма асоси томонининг а узунлиги ва призманинг с баландлигидан иборат.
Ромбоэдрик тизим
Бравэ параллелепипеди ромбоэдр шаклга эга. Бу тизимнинг ягона панжараси томонлари бир хил ромблардан иборат содда панжарадир. Унинг икки параметри бор: ромб қиррасининг а узунлиги ва қирралар орасидаги  бурчак.