Атты халықаралық ғылыми-тәжірибелік конференцияның жинағы в рамках проекта Erasmus+

8. Bilimlarni qo`llash tamoyili. O`qituvchi o`rgatgan bilimlarni o`quvchilar amalda qo`llay 
bilishlari kerak. Shuning uchun ham bu bilimlar qo`llashda va amaliy vaziyatda sinalgan bo`lishi 
zarur. Bunday amaliy vaziyatlar o`qituvchi tomonidan yaratilishi lozim. 
9. Natijalarni mustahkamlash tamoyili. Kishi ko`rgan, eshitgan yoki qilgan narsalar tez 
unutishi mumkin. Shu sababli albatta mashqlar o`tkazish va muammo hamda savollar echimini 
topish zarur. O`qishdagi muvaffaqiyat baholanishi va tan olinishi kerak. Bu o`qituvchi va o`quvchi 
o`rtasida doimiy o`zaro aloqa bo`lishini talab qiladi, natijalar esa maxsus «Baholash varaqalari» 
da qayd qilinishi kerak. 
Ma’lumki, didaktik tamoyillar bilan bir qatorda o`qitishning asosiy qoidalari ham bor. Ular, 
umuman olganda, o`qituvchi faoliyatining yo`l –yo`rig`i sifatida xizmat qiladi, alohida olganda 
esa tushunarlilik tamoyilini qo`llab-quvvatlaydi. 
Respublikamizda aholi sog`lig`ini yaxshilash va tibbiyotdagi islohotlarni yanada 
chuqurlashtirish tibbiy bilimlarga, tibbiyotni sir–asrorlarini o‘rganishga bo‘lgan intilishini 
kuchaytirgan bo‘lsa, ikkinchi tomondan, tibbiyot fanlarni chuqur o‘rganishga bo‘lgan talabni ham 
kuchaytirdi. Bu esa o‘z navbatida tibbiyot qonunlarni yaxshi bilgan, turli vaziyatlarni oldini olish, 
epidemiologik sharoitida samarali amaliyot yo`lini to‘g‘ri tanlash va qaror qabul qilish malakasiga 
ega bo‘lgan tibbiyot xodimlarinigina emas, balki ularni o‘qitadigan medik-pedagoglarni 
tayyorlashni ham talab qiladi. 
Mutaxassislarni tayyorlashning sifatini oshirish uchun o`quv-moddiy bazani rivojlanganligi 
darajasi muhim ahamiyatga egadir. O`quv jarayoniga zamonaviy o`qitish vositalarini keng tatbiq 
etilishi o`quvchilarning o`quv idrok etish faoliyatini yuqoriroq darajada tashkil qilish, 
o`qituvchilar va o`quvchilar mehnatining intensivligini oshirish imkonini beradi. O`qitish 
vositalarini mohirlik bilan qo`llash o`quvchilar mustaqilligini oshirish, mashg`ulotda ularning 
yakka tartibda va guruhli ishlarini tashkil etishning imkoniyatini kengaytirish, aqliy faollik va 
tashabbusni rivojlantirishga imkon beradi. O`qitishning texnik vositalari – texnik qurilmalar 
bo`lib, ularning yordamida o`quv axborotlari o`quvchilarga yetkaziladi va ma’lumotlarning 
o`zlashtirilishi nazorat qilinadi. Har bir aniq holda o`qitish vositalarini tanlash o`qitishning 
maqsadi va vazifalari, mazmuni, o`quv jarayonining qonuniyatlari, o`qituvchilarning idrok etish 
qobiliyatlari, o`qitishning qo`llanilayotgan tashkiliy shakllari va usullari, o`qitish vositalarining 
didaktik imkoniyatlariga bog`liqdir.