Atom tuzilishi. Kimyo fanining paydo bo`lish tarixi

1.5 jadvalTemperatura shkalalari

Shkala	Birlik	Koeffitsient	Suvning Tm	Suvning Tq	Abs.nolda
Kelvin	K	-	273,15 K	373,15 K	0 K
Selsiy	^oS	1	0S	100S	-273,15 S
Farengeyt	F	5/9	32 F	212 F	-479,67 F

Muammo 1.7 (1). Bola tanasining temperaturasi 38,7^oS. Ushbu temperaturani Farengeyt va Kelvin shkalalarida ifodalang.
Echish: T F = 9/5 T^oC + 32 = 9/5(38,7) + 32 = 101,7^oF
T K = T ^oC + 273,15 = 38,7 + 273,15 = 311,8 K
Ekstensiv va intensiv xossalar.
Ayrim o‘zgaruvchilar moddaning miqdoridan bog‘liq: ularni ekstensiv xossalar deb atash qabul qilingan. Boshqa tarafdan, intensiv xossalar moddaning miqdoridan bog‘liq emas. Masalan, massa va hajm ekstensiv xossalarga ega, zichlik esa intensiv xossadir. Masalan, suv galonining massasi suv kvartasining massasidan 4 marta ko‘p, lekin ularning hajmlari orasida ham xuddi shunday munosabat mavjud. Zichlik modda massasini uning hajmiga nisbati ekanligini nazarda tutsak, u ikkala sistema uchun ham bir xil bo‘ladi, ya’ni zichlik intensiv xossaga ega. Boshqa misol issiqlikga tegishli bo‘lib, u ekstensiv xossaga ega. Temperatura esa, intensivlik faktoridir. Masalan, katta samovarda qaynayotgan suv choynakda qaynayotgan suvga nisbatan ko‘proq issiqlikga ega, lekin ikkala sistemaning temperaturasi bir xil bo‘ladi.
Xulosalar.
●SI sistemasi qator asosiy birliklar va ularning hosilalariga ega.
● Uzunlikning birligi metr (m), shuningdek nanometr (nm) va pikometr (pm) kabi birliklar ham ishlatiladi.
● Hajmning asosiy birliklari metrning kubi (m³) yoki litr (l).
● Massaning birligi kilogramm (kg). Hajmning massasi gravitatsion maydonning miqdoridan bog‘liq.
● Zichlik moddalarning tavsifiy fizikaviy xossasi bo‘lib, modda massasini uning hajmiga nisbatini ko‘rsatadi.
●Temperatura bir necha shkalalarga ega va ^oS, K, F larda ifodalanadi.
● Issiqlik – temperaturasi yuqoriroq jismdan temperaturasi pastroq jismga o‘ta oladigan energiyadir.
● Massa, hajm va energiya kabi ekstensiv xossalar modda miqdoriga bog‘liq, zichlik va temperatura kabi intensiv xossalar esa moddaning miqdoriga bog‘liq emas.