Atamalar lug‘ati

Moh – oyga o‘xshash naqsh.

Morpech – ilon izi naqsh.

Murakkab islimi – elementlari bir-biriga chirmashib, navbat bilan bog‘lanuvchi naqsh.

Murakkab – islimi va girih elementlaridan iborat naqsh (gul bilan to‘ldirilgan girih).

Murakkab naqsh - almashinuvchi yoki takrorlanuvchi naqsh elementining kichiklashib yoki kattalashib borishi.

Naqsh – har xil buyumlar, mebellar va uylarga o‘yib va bo‘yab solinadigan gul.

Naqqosh – Uylar, har xil buyum va mebellarga o‘yib ishlov beruvchi hamda rangli bo‘yoqlar bilan bezatuvchi rassom.

Naqshi namoyon – bir joyda yaxlit ishlangan katta hajmdagi mehroblik naqshlarning bir turi.

Namoyon – ko‘rinish, manzara, panno, guldasta shaklidagi naqsh.

Naqshi gulxan – naqsh elementi, alangani eslatadi. U Xorazm ustalari naqshlarida ko‘p uchraydi.

No‘xati chetan – naqsh kompozitsiyalarining chekkalariga ishlanadigan naqsh.

Ornament – arxitektura va amaliy san’at asarlaridagi asosiy elementlardan biri. U chiziqlar va ranglardan iborat bo‘lib, bino va buyumlarning sathini bo‘yash, chakichlash va o‘yib ishlash yo‘li bilan yaratiladi.

Obi – naqsh gulining chetidan, ba’zan bir naqshni ikkinchi naqshdan ajratish uchun tortiladigan suv.

Oygul – oyga o‘xshash doira shaklidagi naqsh.

Panjara – geometrik shakllardan tuzilgan naqshli panjara

Pargori – naqsh ishlashda aylanalarni chizib olish uchun qo‘llaniladigan asbob, sirkul.

Pargori turunj – pargori bilan tuzilgan naqshning bir turi.

Patnis islimi – kompozitsiya, patnis shaklini eslatuvchi markaziy turunj.

Panno – devor, ship sathining ornament bilan bezatilgan qismi.

Pargori girih – pargor yordamida chizilgan egri chiziqli handasiy naqsh.

Ritm – naqsh, bezak elementlarining bir tekis takrorlanishi.