Atamalar lug‘ati

Rang kompozitsiyasi – bino yoki predmetlarni naqshlashda qo‘llanadigan barcha ranglarning umumiy ko‘rinishi.

Ranglar garmoniyasi – ranglarning bir-biriga muvofiqligi.

Rax – qirra.

Sebarg – uchbargdan iborat naqsh.

Seraftor – uch chiziqli jiyak naqshi.

Simmetriya – grekcha so‘z bo‘lib, o‘lchovlarning bir-biriga mos kelishi va mutanosiblik, tenglik ma’nosini bildiradi.

Sirtmoq – bandi rumiy, boftaning bir turi.

Sovuq ranglar – ko‘kka yaqin ranglar.

Stilizatsiya – narsaning rasmi, rangi va shakli kabilarni dekorativ tarzda umumlashtirish; dekorativ-amaliy san’atda, ayniqsa tabiat shakllari ko‘proq umumlashtirib qo‘llaniladi.

Tanob – naqshda asosiy shakl beruvchi chiziq. Islimi naqshida o‘simlik poyasi hisoblanadi.

Bosh tanob – kompozitsiya asosini tashkil etuvchi chiziq.

YOrdamchi tanob – ikkinchi darajali chiziq.

Qo‘sh tanob – qo‘sh chiziqli tanob.

Tanobi – naqsh elementi.

Tilla rang – sarg‘ish tusdagi kukunsimon bo‘yoq.

Turunji – qadimiy naqsh, o‘rama nonga o‘xshaydi, yurakning ramziy ifodasi.

Xromatik ranglar – ranglarning toni yoki to‘qligi o‘zgaradigan kontrastlar xili (bunga qizil, pushti, sariq, yashil, ko‘k va boshqa ranglar kiradi).

CHekma gul – naqshlarning orasiga chekib solingan dona-dona gullar; bu ko‘pincha nuqtalardan ham iborat bo‘ladi.

CHor islimi – to‘rt tomonga yo‘nalgan turli-tuman chiziqlardan iborat naqsh.

CHorsar – to‘rtburchak geometrik shakllardan tuzilgan naqsh turi.

SHashi qo‘shtanob – olti burchakli qo‘sh chiziqli girih.

SHashdona – olti shaklli geometrik elementlardan tuzilgan davra naqsh.

SHingila – uzum donasiga o‘xshagan o‘simliksimon naqsh.

SHkiftlar – asosiy elementlarni bir-biri bilan bog‘laydigan oraliq elementlar. Boftalarga o‘xshaydi.

SHox – o‘simliksimon tasvir