Atamalar lug‘ati

Jilo berish – yaltiratish, silliqlash.

Jingalaklar – ayrim naqsh elementlarini o‘zaro bog‘laydigan va bo‘sh joylarni to‘ldirib, naqsh uchun sath paydo qiladigan element.

Jiyak – ensiz yo‘lli buyumlarning chetini bezatish uchun ishlatiladigan naqsh.

Zarhal – oltin suvi yurgazilgan; oltin eritmasi, oltin kukuni.

Zeb berish – bezatish, pardozlash

Zeh – qirra

Ziy – qirg‘oq.

Islimi arabi – islimi naqshning bir turi, arab naqqoshligidan olingan.

Islimi barg – islimi naqshi uchun ishlatiladigan maxsus barg.

Islimi bofta – kompozitsiyaning asosiy chiziqlari bir-biriga to‘qilib ketgan naqsh.

Islimi davron – motivi bir doira ichida aylangan naqsh.

Islimi doira – turlicha naqshlar bilan to‘ldirilgan doira chiziqlarning bir-biriga tutashuvidan hosil bo‘lgan naqsh.

Islimi zanjira – chirmashtirib, o‘simliksimon zanjiraga o‘xshatib ishlanadigan naqsh.

Islimi madohil – o‘simliksimon elementlardan tuzilgan murakkab naqshning bir turi.

Islimi mehrob – o‘simliksimon naqshlar bilan to‘ldirilgan mehrob.

Islimi murakkab – tanob, barg, band barglari bir-biri bilan nafis chirmashib ketgan o‘simliksimon murakkab naqsh.

Islimi mehrob – o‘simliksimon naqshlar bilan to‘ldirilgan mehrob shaklidagi turi

Islimi namoyon – mehrobga o‘xshagan naqsh, ichi naqsh elementlaridan tuzilgan har xil kompozitsiyalar bilan to‘ldiriladi.

Islimi obi – serbarg va sershox, g‘oyatda nozik chiziqlardan iborat.