Astanaqulova zuhraxon baxtiyorjon qizi

Tadqiqotning asosiy masalalari va farazlari.
Magistrlik dissertatsiyasida quyidagi masalalar o’rganildi:
- uzluksiz ta’lim tizimida innovatsion faoliyat ko’rsatuvchi pedagoglarni tayyorlashda innovatsion ta’lim texnologiyalari mazmun-mohiyatini ilmiy-pedagogik nuqtai nazardan o’rganish;
- uzluksiz ta’lim tizimida dars jarayonida vebinar, grafikli orgonayzer va loterial fikrlash innovatsion ta’lim texnologiyalaridan foydalanishni tadqiq qilish masalalarini o’rganish;
-“Texnologiya fani o’qituvchisining axborot-kommunikativ kompetentligi va kasbiy faoliyatini tashkil etish yo’nalishlari” mavzusini innovatsion ta’lim texnologiyalari (innovatsion yondashuvlar) asosida o’rganish masalalari faraz qilinmoqda.
Magistrlik dissertatsiyasi ish tuzilmasining tavsifi.
“Uzluksiz ta’lim tizimida texnologiya fanini o’qitishda zamonaviy va innovatsion texnologiyalardan foydalanish” mavzusidagi magistrlik dissertatsiyasining kirish qismida magistrlik dissertatsiyasi mavzusining asoslanishi va uning dolzarbligi, tadqiqot maqsadi va vazifalari, tadqiqot obyekti va predmeti, tadqiqotning ilmiy yangiligi va farazlari, tadqiqot mavzusi bo’yicha adabiyotlar sharhi (tahlili), tadqiqotda qo’llanilgan metodikaning tavsifi, tadqiqot natijalarining nazariy va amaliy ahamiyati va ish tuzilmasining tavsifi bayon qilingan.
Dissertatsiyaning birinchi bobi “Uzluksiz ta’lim tizimida zamonaviy va innovatsion ta’lim texnologiyalarining ilmiy-pedagogik asoslari” deb nomlanib, unda zamonaviy pedagogik texnologiyaning mazmun-mohiyati, uning turlari, innovatsion tahlim texnologiyalarining mazmun-mohiyati, turlari va nazariy asoslari va innovatsion jarayon mohiyatini ifodalovchi qarashlar, qonuniyatlarni, pedagoglarda innovatsion yondashuvning qaror toptirish bosqichlari asosida shakllantirish omillari, shuningdek, o’qitish jarayoniga innovatsion ta’lim texnologiyalarini qo’llashda innovatsion yondashuvlardan foydalanish masalalari o’rganilgan.
Ikkinchi bob esa “Maktablarda texnologiya fani darslarida mavzuni bayon etishda zamonaviy pedagogik texnologiyalardan foydalanish” deb nomlanib, unda texnologiya fani darslarida an’anaviy (mantiqiy, ko’rgazmali, amaliy, muammoli) o’qitish metodlari, noan’anaviy dars o’tish metodlari, darslarda interfaol ta’lim metodlari va ta’lim jarayonida qo’llaniladigan zamonaviy innovatsion metodlar, shuningdek, pedagogik turkum fanlarni o’qitishda qo’llaniladigan keyslar va ularning xarakteriga ko’ra B.Blum taksonomiyasi bayon etilgan.
Uchinchi bobda “Texnologiya fanini o’qitishda innovatsion xarakterga ega bo’lgan ta’lim texnologiyalaridan foydalanish” deb nomlanib, unda muammoli ta’lim texnologiyasi (muammo va muammoli vaziyat), loyihalash texnologiyasi (juftlik, kichik guruhlar, jamoada o’quv loyihalarini tayyorlash), modulli ta’lim texnologiyasi (modul va modullar dasturi), hamkorlikdagi ta’lim texnologiyasi (komandada o’qitish, kichik guruhlarda o’qitish) va masofaviy ta’lim metodi, assesment texnologiyasi va uning yaratilish tarixi, shuningdek, Vebinar texnologiyalar va ularni ta’lim jarayonida qo’llash masalalari o’rganilgan.