Astanaqulova zuhraxon baxtiyorjon qizi

UMUMIY HULOSALAR VA FARAZLAR. -------------------------------


FOYDALANILGAN ADABIYOTLAR. -------------------------------------


ILOVA VA TAVSIYALAR. ---------------------------------------------------

K I R I SH
Magistrlik dissertatsiyasi mavzusining asoslanishi va uning dolzarbligi. O’zbekiston Respublikasi Prezidentining “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi belgilangan “Ilmiy-tadqiqot va innovatsiya faoliyatini rag’batlantirish, ilmiy va innovatsiya yutuqlarini amaliyotga joriy etishning samarali mexanizmlarini yaratish” hamda O’zbekiston Respublikasi “Innovatsion rivojlanish vazirligining asosiy faoliyat yo’nalishlaridan ta’lim tizimida innovatsiyalarni ishlab chiqishni ta’minlash” kabi ustuvor vazifalari ta’lim muassasalarida o’qituvchilar zamonaviy pedagogik texnologiyalar va innovatsion faoliyat jarayonini tashkil etish zarurligini ko’rsatmoqda[1-4]
Uzluksiz ta’lim tizimida pedagoglarni oliy ma’lumotli mutaxassislar tayyorlashning maqsadli parametrlarini jahon miqyosidagi texnologik o’zgarishlarni inobatga olgan xolda shaklantirish, ta’lim yo’nalishlari va mutaxasisliklarni muqobillashtirish, bunda STEAM yo’nalishlarini (aniq fanlar, texnologiya, injenering, ijodiy san’at va matematika) rivojlantirishga e’tibor qaratish, kasbiy mahoratini oshirish, dunyoqarashlarini boyitishda ularni innovatsion ta’lim texnologiyalari, o’qitishning innovatsion shakli, metod va vositalari bilan tanishtirish, pedagoglarda kasbiy kompetentlik sifatlari va kreativlik qobiliyatlari mohiyati bilan yaqindan tanishtirish muhim ahamiyatga ega.
Uzluksiz ta’lim tizimida pedagoglar tomonidan berilayotgan bilim, ko’nikmalarni shakllantirish, malakalarni hosil qilish, yangi bilimlarni egallash va kundalik faoliyatda amaliyotga qo’llay olish qobiliyati - kompetentlilik darajalarini yanada rivojlantirish, keng ko’lamli ilmiy-tadqiqotlarni olib borish, kuchli raqobat mavjud bo’lgan mehnat bozorida o’z o’rinlarini saqlab qolishlariga yordam beradi.
Ijtimoiy buyurtma asosida malakali kadrlarni tayyorlashda zamonaviy pedagogik va innovatsion ta’lim texnologiyalarni ishlab chiqish va innovatsion faoliyat ko’rsatuvchi pedagoglarni tayyorlash amaliyotini joriy qilish, shuningdek, uzluksiz ta’lim tizimida innovatsion faoliyat ko’rsatuvchi zamonaviy pedagogik va innovatsion ta’lim texnologiyalari bilan qurollangan pedagoglarni tayyorlash jarayonini tezlashtirish va pedagogik mahoratini yanada takomillashtirish shu kunning dolzarb muammolaridan biridir.