Astanaqulova zuhraxon baxtiyorjon qizi

Namuna:















3.2.Innovatsion ta’lim harakteriga ega bo’lgan “Loyihalash texnologiyasi” (juftlik, kichik guruhlar, jamoada o’quv loyihalarini tayyorlash) dars jarayonida qo’llash
Loyixa metodi – bu ta’lim oluvchilarning individual yoki guruxlarda belgilangan vaqt davomida, belgilangan mavzu bo’yicha axborot yig’ish, tadqiqot o’tkazish va amalga oshirish ishlarini olib borishidir. Bu metodda tahlim oluvchilar rejalashtirish, qaror qabul qilish, amalga oshirish, tekshirish va xulosa chiqarish va natijalarni baxolash jarayonlarida ishtirok etadilar.
Loyixa ishlab chiqish yakka tartibda yoki guruxiy bo’lishi mumkin, lekin xar bir loyixa o’quv guruxining birgalikdagi faoliyatining muvofiqlashtirilgan natijasidir. Bu jarayonda o’quvchining vazifasi belgilangan vaqt ichida yangi maxsulotni ishlab chiqish yoki boshqa bir topshiriqning yechimini topishdan iborat. Ta’lim oluvchilar nuqtai-nazaridan topshiriq murakkab bo’lishi va u tahlim oluvchilardan mavjud bilimlarini boshqa vaziyatlarda qo’llay olishni talab qiladigan topshiriq bo’lishi kerak.
Loyixa o’rganishga xizmat qilishi, nazariy bilimlarni amaliyotga tadbiq etishi, ta’lim oluvchilar tomonidan mustaqil rejalashtirish, tashkillashtirish va amalga oshirish imkoniyatini yarata oladigan bo’lishi kerak.
Loyixa metodining bosqichlari.
O’qituvchi loyixa ishi bo’yicha topshiriqlarni ishlab chiqadi. tahlim oluvchilar mustaqil ravishda darslik, sxemalar, tarqatma materiallar asosida topshiriqqa oid mahlumotlar yig’adilar.
Ta’lim oluvchilar mustaqil ravishda shi rejasini ishlab chiqadilar. Ish rejasida ta’lim oluvchilar ish bosqichlarin, ularga ajratilgan vaqt va texnologik ketma-ketligini, material, asbob-uskunalarni rejalashi lozim.
Kichik guruxlar ish rejalarini taqdimot qiladilar. Ta’lim oluvchilar ish rejasiga asosn topshiriqni bajarish bo’yicha qaror qabul qiladilar. Ta’lim oluvchilar o’qituvchi bilan birgalikda qabul qilingan qarorlar bo’yicha erishiladigan natijalarni muxokama qilishadi. Bunda xar xil qarorlar taqqoslanib, eng maqbul variant tanlab olinadi. O’qituvchi ta’lim oluvchilar bilan birgalikda “Baxolash varaqasi”ni ishlab chiqadi.
Ta’lim oluvchilar topshiriqni ish rejasi asosida mustaqil ravishda amalga oshiradilar. Ularni individual yoki kichik guruxlarda ishlashlari mumkin.
Ta’lim oluvchi ish natijalarini o’zlarini tekshiradilar. Bundan tashqari kichik guruxlar bir-birlarining ish natijalarini tekshirishga xam jalb etiladilar. Tekshiruv natijalarini “Baxolash varaqasi”da qayd etiladi. Ta’lim oluvchi yoki kichik guruxlar xisobot beradilar. Ish yakuni quyidagi shakllarning birida xisobot qilinadi: og’zaki xisobot; materiallarni namoyish qilish orqali xisobot; loyixa ko’rinishidagi yozma xisobot.
O’qituvchi ta’lim oluvchilar ish jarayonini va natijalarni birgalikda yakuniy suxbat davomida taxlil qilishadi. O’quv amaliyoti mashg’ulotlarida erishilgan ko’rsatkichlarni mehyoriy ko’rsatkichlar bilan taqqoslaydi. Agarda mehyoriy ko’rsatkichlarga erisha olinmagan bo’lsa, uning sabablari aniqlanadi.
O’qituvchi loyixa metodini qo’llashi uchun topshiriqlarni ishlab chiqishi, loyixa ishini dars rejasiga kiritishi, topshiriqni ta’lim oluvchilarning imkoniyatlariga moslashtirib, ularni loyixa ishi bilan tanishtirishi, loyixalash jarayonini kuzatib turishi va topshiriqni mustaqil bajara olishlarini tahminlanishi lozim. Loyixa metodini amalga oshirishning uch xil shakli, yahni jamoaviy, yakka tartibda va kichik guruxlarda ishlash shakllari mavjud.