Asosiy sharq tili fanidan

Mavzuning o‘rganilganlik darajasi. Ushbu mavzu har bir mamlakatda dolzarblik ahamiyatiga ega. Shu uchun hamki, bu boradagi ilmiy ishlar, izlanmalar, maqola va qo‘llanmalar ancha keng tarqalgan. Shulardan eng ommaboplaridan esa ushbu kurs ishimizda foydalandik. Jumladan, kurs ishi o‘zbek va rus arabshunoslarining darsliklari bilan bir qatorda arab nahvshunoslarining asarlariga tayangan holda yozildi. Misol uchun: 1) Abbos Hasanning “An-Nahv ul-Vofiy ا!Abdurrohman ibn Muhammad ibn Ubaydulloh Al-Anbaariyning “Asror ul-Arobiyya” Doktor Ahmad Muxtor Umar, doktor Mustofa An-Nuhhas Zahron va doktor Muhammad Hammasa Abdullatiyfning “An-Nahv ul-Asaasiy” shuningdek, N.I. Ibrohimov², E. Talabov³ Hasanov. M, M.Abzalova⁴ keng foydalanildi.
Kurs ishining maqsadi va vazifalari. Arab tili dunyodagi murakkab tillar qatoriga kiradi desak mubolag‘a bo‘lmaydi. Arab tili qoidalarining murakkab bo‘lishi ham bu tilning fasohatliligini, ya’ni go‘zalliligini oshiradi hamda o‘quvchida unga bo‘lgan qiziqishini uyg‘otadi. Kurs ishi mayllar, aynan oladigan bo‘lsak, fe’llarning mayllarda kelishi, uslubiyati mavzusi to‘g‘risida yozishimizdan maqsad arab tilining qanchalik boy va go‘zal ekanligini ko‘rsatish. Mayllarning ahamiyati, fe’llarda kelish holati hamda funksiyasini o‘rganish kurs ishimizning maqsad va vazifasidir.
Kurs ishining obyekti va predmeti. Kurs ishimiz obyekti sifatida arab tilidagi mayllar, istak mayli hamda noto‘g’ri fe’llarning istak maylida ifodalanishini olishimiz mumkin. Ushbu mavzu haqida yozilgan maqolalar, ilmiy ish va izlanishlar kurs ishimiz predmeti hisoblanadi.
Kurs ishining nazariy-uslubiy asoslari. Kurs ishining nazariy- metodologik asosi sifatida arab tilining zamonaviy fandagi ko‘rinishi va mavzularining o‘rganilish ahamiyati, mavzuning muhimlik darajasini olishimiz mumkin. Kurs ishi tarixiylik, obyektivlik, ilmiylik, xolislik, mantiqiy izchilik tamoyillariga asoslandi. Uslubiy jihatdan tahliliy va tanqidiy yondashildi.