Asosiy qoidalar

534-modda. Kasalligi tufayli jazoni o‘tashdan ozod qilish tartibi
Oldingi
 tahrirga qarang.
Mahkum jazoni o‘tayotgan vaqtida jazoni o‘tashga monelik qiladigan ruhiy holatining
surunkali buzilishi yuzaga kelgan yoki boshqa og‘ir kasallikka duchor bo‘lgan taqdirda sudya
jazoning ijro qilinishiga mutasaddi organning taqdimnomasiga binoan, maxsus tibbiy
komissiyaning xulosasiga asosan mahkumni o‘talmay qolgan jazoni o‘tashdan ozod qilish to‘g‘risida
ajrim chiqarishga haqlidir.
(534-moddaning birinchi qismi O‘zbekiston Respublikasining 2019-yil 12-sentabrdagi O‘RQ-567-sonli
Qonuni 
tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Oldingi
 tahrirga qarang.
Ruhiy holatining surunkali buzilishi yuzaga kelgan mahkumni o‘talmay qolgan jazodan ozod
qilishda sudya unga nisbatan tibbiy yo‘sindagi majburlov chorasini tayinlashga yoxud uni sog‘liqni
saqlash organlari yoki qarindoshlari vasiyligiga berishga haqlidir.
(534-moddaning ikkinchi qismi O‘zbekiston Respublikasining 2019-yil 12-sentabrdagi O‘RQ-567-sonli
Qonuni 
tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Bunday shaxslar sog‘aygan taqdirda, basharti bu hol jazoning ijro etish muddati tugashiga
qadar sodir bo‘lsa, sud tayinlangan jazoni ijro etish to‘g‘risida ajrim chiqaradi.
Oldingi
 tahrirga qarang.
Ruhiy holatining buzilishi yuzaga kelgan shaxslardan tashqari, og‘ir kasallikka duchor bo‘lgan
shaxslarni o‘talmay qolgan jazodan ozod qilish masalasini hal etishda sudya sodir etilgan
jinoyatning og‘irligini, mahkumning shaxsini va boshqa holatlarni hisobga oladi.
(534-moddaning to‘rtinchi qismi O‘zbekiston Respublikasining 2019-yil 12-sentabrdagi O‘RQ-567-sonli
Qonuni 
tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Mahkumni o‘talmay qolgan jazodan kasalligi tufayli ozod qilganda sudya uni faqat asosiy
jazodan emas, balki qo‘shimcha jazo chorasidan ham ozod qilishga haqli, bu ajrimda ko‘rsatilishi
lozim.