Asosiy qism. Farg’ona mintaqasi ma’muriy tuzilishi va geografik o’rni

Aholi bandligi – shaxsiy ehtiyojlar asosida jamiyat qonunlariga zid bo’lmagan holda mehnat daromadiga ega bo’lgan fuqarolar faoliyatidir.
Viloyatda islohotlarning amalga oshirilishi, modernizatsiyalash natijasida yangi ishchi o`rinlari yaratilmoqda. Bo`sh ishchi o`rinlariga mehnat resurslarini jalb etilayotganligi munosabati bilan viloyatda ishsizlik darajasi qisqarib bormoqda.
Andijon viloyatida ish bilan band bo`lgan aholining iqtisodiyot tarmoqlari bo`yicha taqsimlanishi" (2018, 2019) ming kishi hisobida

Iqtisodiyot tarmoqlari	2018		2019
Hammasi, jumladan:	847,8	100,0		867,3	100
Sanoatda	103,9	12,3		106,8	12,3
qishloq xo`jaligi	332,6	39,2		342,9	39,5
Qurilishda	45.3	5,3		48,1	5,6
transport va aloqa	25,9	3,1		26,4	3,1
savdo umumiy ovqatlanish	67,5	8,0		67,7	7,8
Turar joy (kommunal) xo`jaligida	19,2	2,2		20,7	2,4
fan, madaniyat, sport, sog`liqni saqlash	141,4	16,7		146,6	17,0
Davlat boshqaruv, kredit, sug`urta va boshqalar	111,7	13,2		107,1	12,3

O`zbekiston va Andijon viloyatida ish bilan band bo`lgan aholining iqtisodiyot tarmoqlari bo`yicha taqsimlanishi jamiga nisbatan foiz hisobida jadval ma`lumotiga ko`ra, biloyatda tarmoqlar tarkibida band aholida qishloq aholisi ancha yuqoridir yoki 39,5 %, Respublikada esa bu ko`rsatkich 32,6 % ni tashkil qiladi. Bunday bo`lgan vaziyatda qishloq xo`jaligini yaxshi rivojlanganligi bu bir tomondan, ikkinchi tomondanviloyatda qishloq aholisining salmog`ini yuqoriligidir.

Viloyatda mehnatga qobiliyatlilar 2018 yilda 1377.6 ming kishini yoki viloyat aholisining 55,6 % ini tashkil qiladi. Andijon viloyatida ish bilan band bo`lgan aholining iqtisodiyot tarmoqlari bo`yicha 2018- yilda taqsimlanishida 958.4 ming kishini tashkil qiladi. Ularni iqtisodiyot tarmoqlari bo`yicha % holda taqsimlanishini ko`rish mumkin. Andijon viloyatida aholi va mehnat resurslari juda tez o`sib bormoqda. 2018-yili 2011-yilga nisbatan viloyat aholisi 410.5 ming kishiga ortdi. Jumladan mehnat resurslari esa 52% ga ortdi. Qishloq aholisi o`sha yillarda 333 ming kishiga ortdi. O`sha yillarda qishloqda mehnatga qobiliyatlilar 562 ming kishini tashkil qilgan bo`lsa, 2018-yili qishloqda yashovchi mehnatga qobiliyatlilar 880,6 ming kishini tashkil qildi, yoki umumiy qishloq aholisining 48.6 % i to`g`ri keladi. Qishloqda yashovchi mehnatga layoqatli har bir kishiga Andijon viloyatida 1989-yili 0,4 gektar haydaladigan ekinzor to`g`ri kelgan bo`lsa, 2018-yili esa 0,2 gektar haydaladigan ekinzor to`g`ri keldi. Bizning tahminimizga ko`ra, kelajakda yana bu raqam pasayishi mumkin. Gap shundaki, bunda bir ishlovchiga to`g` ri keladigan yer miqdori respublikaga qaraganda normadan pastdadir. Respublikada bu ko`rsatkich 0,49-0,50 gektarga to`g`ri keladi. Viloyatdagi bu jarayon mehnat resurslarini tig`izligi va ma`darajada ortiqligini ko`rsatadi. Bu jarayon kelajakda yana ortadi, chunki viloyat aholisi juda tez o`smoqda.