Асосий конституциявий янгиликларнинг мазмуни ва моҳияти

биринчидан, фуқароларнинг давлат ишларини бошқаридаги иштирокини кенгайтиради, халққа бевосита қонун ташаббускори сифатида қонун ҳужжатларини такомиллаштириш орқали тизимли муаммоларни ҳал қилиш имконини беради;
иккинчидан, мамлакатдаги ҳар бир фуқаро учун ислоҳотларнинг ташаббускори сифатида жамият ва давлат ҳаётидаги муҳим қарорларни қабул қилиш жараёнига тўғридан-тўғри таъсир қилишнинг реал имкониятларини яратади.
Шунга ўхшаш нормалар Швейцария, Австрия, Испания, Италия, Бразилия ва бошқа длавлатлар конституцияларида ҳам белгиланган. Мисол учун, Италияда 50 минг сайловчи Италия парламенти палаталаридан бирининг раисига қонун лойиҳасининг моддама-модда матни ва унга илова қилиб тушунтириш хатини тақдим этиши мумкин.
– Давлат бюджетини шакллантириш ва унинг ижроси устидан назорат қилишнинг очиқлик ва шаффофлик каби принциплари мустаҳкамланмоқда. Фуқароларга ва фуқаролик жамияти институтларига Давлат бюджетини шакллантириш ва уни ижроси устидан жамоатчилик назоратини амалга ошириш ҳуқуқи берилмоқда (148-модда);
Бугунги кунда мамлакатимизда амалга оширилаётган “Очиқ бюджет” давлат тизими бюджет жараёни устидан самарали жамоатчилик назоратини реал амалга ошириш, давлатнинг вазифа ва функцияларини молиявий жиҳатдан таъминлашнинг ўзига хос хусусиятлари тўғрисида тўлиқ ва ишончли маълумот олиш учун имкониятлар яратмоқда. Ушбу янгилик давлат бюджетини шакллантириш, унинг даромад
ва харажатлар қисмларини белгилаш, бюджет қонунчилиги ижроси жараёнларига фуқаролар ва фуқаролик жамияти институтларини жалб қилиш имконини беради.
– фуқароларнинг ўзини ўзи бошқариш органларининг ўз манфаатларидан, ривожланишнинг ўзига хос тарихий хусусиятларидан, шунингдек миллий
ва маънавий қадриятлардан, маҳаллий урф-одатлар ҳамда анъаналардан келиб чиққан ҳолда маҳаллий аҳамиятга эга бўлган масалаларни мустақил
ва қонунга мувофиқ ҳал этиш ҳуқуқи Конституция даражадасида мустаҳкамланмоқда (127-модда).
Умуман олганда, киритилаётган ўзгартиш ва қўшимчалар билан Асосий қонуннинг моддалари сони амалдаги 128 тадан 155 тагача оширилмоқда, Конституция моддаларининг умумий ҳажми эса 60% га кўпаймоқда.
Янги Конституциянинг қабул қилиниши «Инсон қадри учун» тамойили асосида халқ фаровонлигини янада ошириш, давлат ва фуқаролик жамиятини жадал ривожланиши учун мустаҳкам асос яратади.