Асосий конституциявий янгиликларнинг мазмуни ва моҳияти

VI. Фуқаролик жамияти институтларини шакллантириш
ва ривожлантириш, уларнинг жамият ва давлат ишларини бошқаришда фаол иштирокининг конституциявий асосларини мустаҳкамлаш.
Киритилаётган тузатишлар:
– ХIII-бобнинг номи «Жамоат бирлашмалари»дан «Фуқаролик жамияти институтлари»га ўзгартирилмоқда. Бу Конституциянинг ушбу бобидаги субъектларнинг доираси кенгайтрилаётганлигини англатади;
– илк маротаба фуқаролик жамияти институтларига таъриф берилмоқда (69-модда);
Ушбу конституциявий тузатишлар киритилиши мамлакатда сўз эркинлигини, давлат органлари фаолиятининг очиқлиги ва ошкоралигини янада таъминлаш, ОАВ вакилларининг улар кўрсатаётган ахборот хизматлари учун масъулиятини оширишга хизмат қилади. Натижада бу жамият ва давлат ўртасидаги мулоқотни сифат жиҳатидан янги босқичга олиб чиқади.
– Конституция давлат ОАВлар фаолиятининг эркинлиги, уларнинг ахборот излаш, олиш, ахборотдан фойдаланиш ва уни тарқатишга бўлган ҳуқуқларини кафолатлашини назарда тутувчи янги нормалар билан тўлдирилмоқда
(81-модда);
– фуқаролик жамияти институтларини қўллаб-қувватлаш чора-тадбирларини амалга ошириш, уларнинг ижтимоий-иқтисодий ривожлантиришга ҳамда ижтимоий шерикликка оид дастурларни ишлаб чиқиш ва амалга оширишдаги иштирокини таъминлаш Ҳукуматнинг энг муҳим вазифалари сифатида белгиланмоқда (115-модда).
VII. Конституциявий ўзгартишлар халқ ҳокимиятчилиги принципини кучайтиришга, халқ (бевосита) демократиясининг конституциявий асосларини мустаҳкамлашга қаратилган.
Киритилаётган ўзгартишлар:
– қонунчилик ташаббуси ҳуқуқининг янги тури – қонунчиликка таклифи институти киритилмоқда. Қонунчилик ташаббуси ҳуқуқининг ушбу кўриниши доирасида эндиликда сайлов ҳуқуқига эга бўлган 100 мингдан кам бўлмаган фуқароларга, шунингдек Инсон ҳуқуқлари бўйича вакил (Омбудсман) ва МСКга (98-модда) қонунчилик таклифларини киритиш ҳуқуқи берилмоқда.
Фуқароларнинг қонунчиликка таклифлар билан парламентга мурожаат қилиш институти конституциявий даражада мустаҳкамланиши: