Асосий бевосита объекти ҳисобланади. Қушимча бевосита объект бўлиб

10. ҲАРБИЙ МУЛКНИ НОБУД ҚИЛИШ ЁКИ УНГА ШИКАСТ ЕТКАЗИШ ЖИНОЯТИ УЧУН ЖАВОБГАРЛИК
Жиноятнинг бевосита субъекти Ўзбекистон Республикаси Қуроллик Кучларида ўрнатилган ҳарбий мулкни сақлаш қоидалари бўлади.
ЖКнинг 295-моддасидан фарқли равишда 296-моддасида нафақат шахсий ва хизматда ҳар қандай жанговор мулк бўлиши мумкин: қурол, ўқ дорилар, ҳаракатланиш воситалари, ҳарбий техника ва бошқа ҳарбий мулклар.
Жиноят объектив томондан қурол, ўқ дорилар, ҳаракатланиш воситалари, ҳарбий техника ва бошқа ҳарбий мулкни нобуд қилиш ёки унга шикаст етказишда ифодаланади.
Жиноятнинг субъектив томондан қасддан содир этилади. Бунда ёки мулкни нобуд қилиш ёки унга шикаст етказиш мақсади қўйилади, ёки онгли равишда бундай оқибатларга йўл қўйилади.
Агар айбдор ҳарбий мулкни нобуд қилаётганини фараз қилсаю, аммо амалда у бундай бўлмаса, қилмиш ҳарбий мулкни нобуд қилишга тажовуз каби баҳоланиши лозим.
Жиноятнинг сабабларини аниқлаш муҳим аҳамиятга эга. Агар ҳарбий мулкни нобуд қилиш ёки унга шикаст етказиш Ўзбекистон Республикасини кучсизлантириш мақсадида содир этилса, қилмиш давлат жиноятини - диверсияни пайдо қилади (ЖК 161м.).
Жиноятнинг субъекти ҳар қайси ҳарбий хизматчи бўлиши мумкин.
ЖКнинг 296-моддаси 2-қисмида ҳарбий мулкни нобуд қилиш ёки унга шикаст етказиш оғир оқибатларга олиб келгандаги жавобгарлик назарда тутилган.
ЖКнинг 296-моддаси 3-қисмида жанговар ҳолатда содир этилган ҳарбий мулкни нобуд қилиш ёки унга шикаст етказиш учун жавобгарлик назарда тутилган.
11. АТРОФДАГИЛАР УЧУН КАТТА ХАВФ МАНБАИ БЎЛГАН ҚУРОЛ-ЯРОҒ, ШУНИНГДЕК МОДДА ВА БУЮМЛАР БИЛАН МУОМАЛАДА БЎЛИШ ҚОИДАЛАРИНИ БУЗИШ ЖИНОЯТИ УЧУН ЖАВОБГАРЛИК
Жиноятнинг асосий бевосита объекти атрофдагилар учун катта хавф туғдирувчи қурол ва бошқа предметлар билан муомала қилишда қонун билан ўрнатилган тартибни таъминловчи жамият муносабатларидир.
Қўшимча бевосита объект – фуқаролар соғлиги, ҳаётини хавфсизлигини таъминловчи жамият муносабатларидир.