Асосий бевосита объекти ҳисобланади. Қушимча бевосита объект бўлиб

Жиноят объектив томондан баданга ўрта оғир ва оғир шикаст етишига олиб келган жанговор, махсус ва транспорт машинасини бошқариш ва улардан фойдаланиш қоидаларини бузишда ифодаланади.
Жиноят қонунда кўрсатилган оқибатлар, жумладан баданга етказилган оғир ёки ўрта оғир шикастлар кўринишидан келиб чиққан вақтдан бошлаб тугалланган ҳисобланади.
Жиноят субъектив томондан эхтиётсизлик билан содир этилади. Келиб чиққан оқибатларга айбдор фақат эхтиётсизлик бўйича муносабатда бўлади.
ЖКнинг 298-моддасида кўрсатилган жиноят ҳарбий хизматчи томонидан жанговар, махсус ёки транспорт машинасида содир этилади.
ЖКнинг 298-моддаси 2-қисмида:
а) икки ёки ундан ортиқ шахснинг баданига ўртача оғир ёки оғир шикаст етказилишига;
б) одам ўлишига сабаб бўлган машиналарни бошқариш ёки улардан фойдаланиш учун жавобгарлик кўзда тутилган.
Ҳарбий машинани бошқариш қоидаларини бузишни ҳамда кейинги ушбу ҳодисанинг натижасида ҳаёти хавф остида қолган ва ўзини ўзи ҳимоя қилиш имкониятидан маҳрум бўлган шахсга ёрдам кўрсатмасликни биргаликда содир этган шахснинг ҳаракатларини ЖК нинг 298-моддаси билан биргаликда ЖК нинг 117-моддасининг тегишли қисми бўйича малакаланиши лозим.
ЖК 298-моддасининг 3-қисмида:
а) одамлар ўлимига;
б) ҳалокатга:
с) бошқача оғир оқибатларга сабаб бўлган машиналарини бошқариш ёхуд улардан фойдаланиш қоидаларини бузганлик учун жинояти учун жавобгарлик белгиланган.
13. УЧИШ ЁКИ УЧИШГА ТАЙЁРГАРЛИК КЎРИШ ҚОИДАЛАРИНИ БУЗИШ
Жиноятнинг асосий бевосита объекти Қуролли Кучларда ўрнатилган учиш ёки учишга тайёргарлик кўришнинг тартибини ҳамда ҳарбий учиш аппаратларидан фойдаланиш қоидаларини таъминлайдиган ижтимоий муно-сабатлар бўлади.
Қўшимча бевосита объект – фуқароларнинг ҳаёти, соғ-лиғи, Қуролли Кучлар мулкининг хавфсизлигини таъминлайдиган ижтимоий муносабатлардир.
Ушбу жиноятнинг предмети деб учиш аппаратлари тан олинади.