Қашқадарё вилоят суди раиси А. Махкамовга

(Хал қилув қарори нусхаси илова қилинган)
Сабаби:
М.Муродов Ф.И.Б. судда 40-уйни олишига ишонмай қолди ва бошқа йўл танлаб дастлабки ва кейинги 5 000 000 сўмга фоизлар ҳисоблаб қўшиб ёзиб, турмуш ўртоғимни чақиртирган вақти турли хил тилхатлар ёздириб олавериб, бизни жуда катта миқдорда қарздор қилиб қўйганлигини мен ва турмуш ўртоғим Ф.И.Б суд жараёнида билдик.
М.Муродов ушбу тилхатларни ҳар сафар ёздириб олдингиларини йиртиб ташладим деб айтган. Лекин М.Муродов бу тилхатларни сақлаб шу тилхатлар асосида бизни судга берди ва 2008 йил 17 март куни биз М.Муродовдан 27 300 000 сўм қарзлигимиз ҳақида ҳал қилув қарори чиқди ҳамда 2008 йил 26 март куни уйдан мажбурий тартибда чиқариш бўйича ҳам ҳал қилув қарори чиқди. Биз ҳам қарз бўлдик ҳам уйдан айрилиб кўчада қолдик. (Хал қилув қарорлари нусхаси илова қилинган)
Иши ўнгидан келган М.Муродов бизга шарт қўйди 10 000 000 сўм берасан, уйингни ўзингни номинга ўтказиб бераман десам, кўнмадинг, энди 27 300 000 сўмни берасан ёки уйни деб айтди.
Биз уйни берсак М.Муродов биз олмаган, сохта тилхатлар асосида ташкил бўлган 27 300 000 сўмни воз кечиши, қарздорлик бўйича суд хал қилув қарори ва ижросини ўзи хал қилишини айтди.
Шундай ҳам бўлди. Биз уйни бердик, лекин 27 300 000 сўм бўйича суд қарори чиққан кундан то ҳозиргача бизни хеч ким безовта қилмади. М.Муродов бу ишни қайси йўл билан бўлса ўзи хал қилиб, суд қарори ва ижро ҳужжатларини йўқ қилдирди. (Бу хусусида архив ва суд ижрочиларининг хати нусхалари илова қилинган)
2 000 000 сўм учун нотариал қарз шартнома тузган ва 5 000 000 сўм учун уйни гаровга қўйдирган М.Муродов 27 300 000 сўмдаи воз кечиб кетишига ишонасизми?
М.Муродовнинг мақсади 40-уйга эгалик қилиш эди.
Мана шундан кейин М.Муродов энди 40-уйни ҳам берасан, 27 300 000 сўмни ҳам берасан деб бизни қўрқита бошлади.
Лекин шунча суд жараёнлари бўлиб ўтиб, 27 300 000 сўм қарздорлик бўйича ҳеч бир суд қизиқмади, ўрганмади.
Яна бир холат М.Муродов 2005 йил 25 апрел кунги олди-сотди шартномаси билан 40-уйни сотиб олган бўлса, яна нима учун 2005 йил 30 ноябр куни Б.Қузиев номига 40-уйда жойлашган савдо дўкони учун нотариал тасдиқланган ишончнома олди. Бу холатни ҳам ҳеч бир суд ўрганиб кўрмади. (Бу бўйича Б.Қузиев номига берилган ишончнома ва Олий судга топширган қўшимча илтимосномамни илова қиламан)