Қашқадарё вилоят суди раиси А. Махкамовга

Хаттоки бу тилхатларни йиғишда вафот этган одамдан ҳам бизни қарздор қилиб тилхат олишган.
Бу шаҳар прокурори номига ёзилган аризаси ва йиғилган тилхатларни, ўлганлиги тўғрисидаги гувоҳномани судларга тақдим қилганмиз. Бу холатларни барчаси М.Муродов бошчилигида ўзининг шериклари билан бизни қўрқитиб, бизга тегишли бўлган сирларни ошкор қилиб, гап сўз қилиб, шарманда қилиб, обруимизни тўкиб 40-уйни олишга қаратилган ҳаракатлар деб ҳисоблайман. Керак бўлса бизни ноҳак жиноий жавобгарликга тортиришга ҳам ҳаракат қилишди.
Бу юқоридаги холатлар ва топширилган ҳужжатлар М.Муродов биздан 40-уйни олиш учун бизни қўрқитгани, мулкга бўлган ҳуқуқимизни беришга мажбур қиладиган шароитга солиш ва бизни маълумотларимизни ошкор қилиши деб хисоблайман.
Ушбу холатларга ҳамда ушбу холатлар юзасидан топширилган ҳужжатларга судлардан қонуний баҳо бериб, қонун доирасида қарашларини сўрайман.
М.Муродов шикоят аризасида:
“Жабрланувчи Х.Маматкаримова ва унинг турмуш ўртоғи А.Хакимов ўз ихтиёри билан нотариал идорага бориб, ўзига тегишли бўлган хонадонни қонуний тартибда менга олди-сотди шартнома билан расмийлаштириб бериб, хонадон бўйича олди-сотди шартномаси расмийлаштирилганлигини тушуниб, англаб етган бир холатда мени ушбу хонадонни товламачилик йўли билан қўлга киритганликда айблаб бўлмайди” – деб ёзади.
Гуёки М.Муродовнинг ёзган шикоятида ҳамма нарса, ҳамма иш қонуний бўлган. Агар М.Муродов шикоятида ёзганидек 40-уйни қонуний сотиб олган бўлса, нима учун Ўз.Рес.Бош прокурори Р.Қодировга 15.09.2014 йил ёзган шикоятида: Жабрланувчиларга мен ҳеч қандай зурлик ишлатмаганман, уларни қўрқитиб, улардан мулкни ёки мулкий ҳуқуқни топширишни талаб қилмаганман, ўз мулки ёки мулкка бўлган ҳуқуқини беришга мажбур қиладиган шароитга солиб қўймаганман. Улар мендан олишган қарзини тўлаши лозим. Қарзини тўламагандан кейин гаровга қўйган уй-жойни қонуний йўл билан расмийлаштириб олганман – деб ёзган.
(Ушбу шикояти жиноят ишининг 4-жилдида)
Аслида қандай? Аслида эса:
Жиззах шаҳар, Халқобод маҳалласи, Э.Худойқулов кўчаси 40-уй менга яъни Хакимов Адхам Ўринбосаровичга Жиззах шаҳар ҳокимининг 28 апрел 1994 йилдаги №479-сонли қарори билан тегишли бўлиб, Жиззах шаҳар МБТИ (техник рўйҳатга олиш кадастр бюроси) МЧЖ томонидан рўйҳатга олинган ва 12484-сонли шахсий уй-жой ҳужалигининг техник паспорта берилган.