Қарақалпақ халық АЎызеки дɵретпелериндеги араблық шығЫСҚа ийе антропонимлер

Яқып-
Яқыптыӊ улы Юсиптей,
Әдил патша қой,-деди (18-т, Гүлн, 271-б).
Яқып аты болса,изинен жүриўши деген мағананы аңлатады³.
Яҳия-
Ибрайым, Исмайыл, Яҳия,Нәбий
Мүшкилим аӊсат ет, қойма бу зара (66-т, Гүл с, 454-б).
Бул келтирилген аттың келип шығыў мǝниси белгисиз деп келтирилген⁴.

b) Тǝнҳǝ арабша атлар:
Бул атлардың кɵпшилиги ислам дининиң тийкарын салыўшы Муҳаммед пайғамбарға, оның саҳабаларына, шарярларға ҳǝм алланың атларына байланыслы болып келеди. Бул атлардың қурамындағы компанентлер қарақалпақ фольклорында кɵплеп ушырасады. Оларды тɵмендеги мысалларда кɵриўимизге болады.
Мухаммед-
Көзлериме ашық күнлер түн еди,
Дин мусылман Мухаммедтиӊ дини еди,
Перзентимниӊ атын айтсаӊ шырағым,
Егленбей айт, сениӊ атыӊ ким еди? (1-т, Алп,58-б).
Бундағы Мухаммед аты мақтаўлы деген мǝнини аңлатып, ислам дининиң тийкарын салыўшы кɵзи ашық пайғамбар атына байланыслы айтылады.
Әбиўбакир-
Жәм болып келдилер бирнеше яран,
Олар аўдарарлар парайы қуран,
Әбиўбакир, Сыдық, Омары, Оспан,
Ҳәзирети Әлий, Шаҳымардан көринди (16-т, Бəз, 209-б).
Мысалдағы Əбиўбǝкир аты ǝбу-ǝке, аға, бǝкир-үйретиўши, оқытыўшы деген мǝнини аңлатады.Ал Омар, Оспан атлары болса шарярлардың атларына байланыслы болып, Омар-жасаўшы, ɵмир сүриўши, Оспан-мǝрт,қорықпайтуғын деген мағаналарды билдиреди.
Арабша «алла» сɵзи адам атларының дǝслепки ҳǝм соңғы қатарларында теңдей қолланылы береди.Мǝселен, бул фольклорлық шығармаларда тɵмендеги мысалларда қолланылады.
Аллабай-
Аллабай ағам аңғал емес,
Аңғарбай ағам аңғалсақлаў,
Аңғалсақ болса да алдамсақ,
Арасында адамды алдай алады (98-т,Жанлт,449-б)

Аллақул-

Оннан соң суў Мамыйға қарап ағып турған жыллары хан Аллақул деген екен (79-т, Аңз, 148-б).
Алламурат-
Көп адамлардыӊ ишинде жасы он алты-он жети жаслар шамасында бир жигит жумыс ислеўге ырза болады. Бул жигиттиӊ аты Алламурат деген еди (67-т, Қыя ерт, 27-б).