Ҳар бир киши билиши керак бўлган савол жавоблар

(Қуръони карим.Т:,2004.Мўминлар сураси, 20-оят тафсири.343-бет)


Савол.Қуръон ўқишда нималарни билиш керак?
Жавоб:
1.Мақсад. (Аллоҳни таниш);
2.Қуръонга алоҳида ҳурмат(таҳорат, покиза жой,маънавий хурмат);
3.Қорин тўқ ҳам, оч ҳам бўлмаслиги керак;
4.Қуръон ҳарфларини тушиниб ўқиш;
5.Хотири жам ва қулай жойда (таржимасини олиб тушиниб ўқиш);


Савол. “Фалақ” сураси ҳақида билганларингиз?
Жавоб:
“Ал Фалақ” жаҳаннамдаги бир дарахтдир.
Аллоҳ таоло кофирни азоблаганда ана шу дарахтнинг меваси(заққум)дан едиради. Яна “Ал Фалақ” жаҳаннамдаги зиндондир. Унга жабр зулум қилгувчилар қамалгайлар. Хатто жаҳаннамнинг ўзи ҳам бу зиндондан паноҳ тилаб туради деганлар.
“Ал Фалақ” жаҳаннам қудуғидир. У қиздирилса жаҳаннам титрайди дейилган.
(Авроди қуръоний.Т:.2014. 393-бет)
Савол. Фалақ сурасини ўқишнинг савоби ҳақида билганларингиз?
Жавоб:
Расули Акром с.а.в. айтадилар: “Кимки “Ал Фалақ” сурасини ўқисалар унинг ҳар ояти учун Алло таола йигирма (20) йиллик нафл ибодатининг савобини ёзади ва бандасига “сиддиқ банда” савобини беради”,-деганлар.
(Авроди қуръоний.Т:.2014. 393-бет)


Савол. Муъвиззатайн нима?
Жавоб:
Расули Акром с.а.в. айтадилар “Ҳар ким “Муъввизатайн(“Фалақ”ва”Нас” суралари)ни тафаккур билан ўқиса, у одам гўё Аллоҳ таола нозил қилган барча илоҳий китобларни, шу жумладан Қуръони каримни ўқибди”,-деган ва “Аллоҳдан паноҳ тилайдиганлар учун бу икки: ”Фалақ” ва “Нас” сураларидан бошқа унинг ўрнини босадиган бошқа сура йўқдир”,-деганлар
Пайғамбар с.а.в. бу икки сурани ҳар тонг ва ҳар намоздан сўнг ўқир эдилар.
Бу иккала “Фалақ” ва “Нас” сураларини ҳар намозда ўқи деганлар.
(Авроди қуръоний.Т:.2014. 392-бет)


Савол. Ҳазрати Муқотил Расули Акромга Муъаввизатайни ҳақида ?
Жавоб:
Ҳазрати Муқотил дейди: Муҳаммад с.а.в.га Жаброил а.с. бундай деганлар:
“Эй Муҳаммад, ўзи билан паноҳ тилаб дуо қиладиган сура иккита. Қайси сура эканлигини ҳабарини берайми?, у “Муъаввизатайни” (“Фалақ” ва “Нас” суралари”),-деган.
(Авроди қуръоний.Т:.2014. 392-393-бетлар)


Савол. Аллоҳнинг икки улуғ неъмати зикр қилинган сура ва “Фақирлик” тамғаси ҳақида билганларингиз?
Жавоб:
Аллоҳнинг икки улуғ неъмати:
1.Биринчиси Аллоҳнинг фазли карами-ислом;
2.Иккинчиси Раҳмати, яъни Қуръони Каримдир;
Ҳадиси шарифда айтиладики, кимга Аллоҳ таоло Ислом дини ва Қуръон илмини насиб этган бўлса-ю, у камбағалман деб нолиса, Аллоҳ таоло қиёмат кунигача унинг икки кўзи ўртасига (пешонасишга) фақирлик тамғасини босиб қўяр экан.
(Қуръони Карим А.Мансур.Т:.2004. Юнус сураси, 58-оят.215-бет)
Савол. Мустажоб қандай дуоларни биласиз?
Жавоб: Ота-онанинг ўз фарзандига қилган дуоси, бемор одамнинг дуоси ҳам мустажобдир. Ҳадиси шарифларда: “Беморнинг дуоси фаришталарнинг дуоси каби мақбулдир”,-дейилади. (Шаҳри Ширъатул ислом).
(Авродий қуръоний Т:,2014.9-бет)164савол.


Савол.
“Аллоҳнинг дустлари” кимлар?
Жавоб:
Авлиёлар ҳам аллоҳнинг дўстларидир.
Яна шундай Аллоҳнинг бандалари борки, қиёмат куни уларнинг Аллоҳга яқинлигини кўриб, пайғамбарлар ҳам шаҳидлар ҳам уларнинг имақом ва мартабаларини кўриб ҳавас қиладилар. Улар қариндош ҳам эмаслар бойлик жиҳатидан ҳам олди бердилари йўқдир Улар Аллоҳ йўлида дўстлашган бандалардир. Уларнинг юзлари нуроний, нури роббоний барқ уриб турадилар.
( Қуръони Карим А.Мансур.Т:.2004. Юнус сураси, 58-оят.215)
Савол. Боқий қолувчи “Солих амаллар” қайсилар?
Жавоб: Мол мулк, фарзандлар, бу дунёнинг зийнатларидир.
Аллоҳнинг наздида “Солих амаллар”
Улар: Такбир “Аллоҳу Акбар”;
Ҳамд “Алҳамдуллиллаҳ”;
“Ҳавқала”- Ва лаҳавло вало илла биллаҳ”;
Беш вақт намоз ва “Субҳаналлоҳи, валҳам дулиллаҳи, ва лаа илаҳа иллаллоҳу валлоҳу акбар” калималари киради, -деганлар.
(Қуръони Карим А.Мансур.Т:.2004. Каҳф сураси,46-оят.299-бет)


Савол. Оила деган қўрғонда фарзандлар қандай туғилади?
Жавоб:
Фарзанд ато этиш Аллоҳ таолонинг ихтиёрида булгани учун ҳатто, пайғамбарларга ҳам бир хил жинсдаги ёки бир хил миқдорда фарзандларни бермаган. Кимга фақат ўғил, кимга фақат қиз берган.
Қуръони каримда Шўро сураси 50- оятида: “Ёки уларга ўғил ва қизларни қўшиб берур ва ҳохлаган кишисини фарзанд кўрмайдиган қилиб қўйгай. Албатта у билгувчи ва ҳохлаган нарсани яратишга қодирдир”,-дейилган.
(Қуръони Карим А.Мансур.Т:.2004. Шўро сураси,50-оят.488-бет)
Савол. Чақалоқ қанча вақтгач онасини эмишга ҳаққи бор?
Жавоб:
Зеро “Бақара” сурасининг 233- оятида чақалоқ тўла икки йил эмизилиши белгилаб қўйилган. 30 ойдан 24 ойи эмизишга кетса олти ой қолади Ҳомила одатда 9 ойда туғилсада , унинг энг кам муддати 6 ой, кўп муддати эса, 24 ойдир. Бу табобатда ҳам тасдиқланган.(Мд)
(Қуръони Карим А.Мансур.Т:.2004.Аҳқоф сураси,15-оят.504-бет)
Савол. Зикрларнинг ва дуоларнинг энг афзали қайсилар?
Жавоб:
Расулуллоҳ с.а.в. айтадилар:
“Зикрларнинг энг афзали ”Ло илоҳа иллаллоҳ”, дуоларнининг ичида эса энг афзали “истиғфор”дир. (Имом Табораний ривояти)
Савол. “Ал-мийсоқ” ҳақида нимани биласиз?
Жавоб:
Яъни Аллоҳ таоло дунёга келувчи барча инсонларнинг руҳларини илк бор яратиб, улардан:”Мен Роббингиз эмасманми?!”,-деб сўраган шунда бўлажак мўминларнинг руҳлари "Роббимизсан”,-деб жавоб беришган. МИЙСОҚ-аҳд(аҳдлашув).
Яъна Аъроф сурасининг 172 оятида ҳам Аллоҳнинг руҳлар
билан гаплашувини “Ал-Мийсоқ” дейилиши қайд этилган.
(Қуръони Карим А.Мансур.Т:.2004.Ҳадид сураси,8-оят.538-бет)
Савол. Ҳадиси шарифда “Ёсин”сураси Қуръони каримнинг қалби эканлиги айтилган. “Ёсин”нинг маъносини биласизми?
Жавоб:
Аслида “Ёсин” сурасининг асл маъносини Аллҳ таоло ва Унинг Расулигина билади. Баъзи муҳаққ “Эй Муҳаммад”!,дегани деганлар.(Имом Ғаззолий)
Ҳазрати Ибни Аббос(р.а) дан қуйидагилар нақл қилинган: “Ёсин”нинг маъноси “Эй! Инсон!”деганидир. Ибнил Ҳанийфадан нақл қилинишича: ”Эй, Муҳаммад!” дегани.
Ҳадиси шарифда, Қуръонда етти ном билан номланади:Муҳаммад, Аҳмад, Тоҳо, Ёсин, ал-Муззаммил, ал-Мудассир ва Абдуллоҳ, Ё Саййид”!дир деганлар.
(Авродий қуръоний Т:,2014.15-бет)
Савол.Мўмин одамга етган беморлик, оғриқ нимага каффорат?
Жавоб:
Расулуллоҳ с.а.в.Айтадилар: Мўмин одамга етган ҳар бир беморлик, оғриқ унинг гуноҳларига каффорат бўлур. Ҳатто оёғига кирган тикон, оёқнинг тилиниши ,яраланиши ҳам” (Ромузул-аҳадис)
(Авродий қуръоний Т:,2014.20-бет).


Савол. “Саловати тафрижиййа” ҳақида биласизми?
Жавоб:
“Саловати тафрижиййа” муборак саловат бўлиб, солиҳ ва ориф зотлар тарафидан ихлос билан ўқилган.
“Аллоҳумма солли солатан ва саллим саламан тамман ъала саййидина Муҳаммадиниллази танғаллу биҳил-уъқоду ва танфарижу биҳил куробу” Маъноси:”Аллохим! Мукаммал саловати салом ила саййидимиз Муҳаммадга саловат юбор. Шу сабаб мушкуллар, қийинчиликлар ҳал этилади. Ғам ташвишлар ғайбдан йўқ бўлади”.Албатта бу саловатни айтишдан олдин: ”Астағфируллоҳал-азим ва атубу илайҳ”деб истиғфор айтилади.
Ҳар намоздан кейин 11 марта ўқилса ризқдан барака кесилмас.
(Авродий қуръоний Т:,2014.27-бет)


Савол. Пайғамбаримиз Муҳаммад с.а.в. Жаброил(а.с.)ни йигирма уч йиллик пайғамбарлик давомида неча марта кўрган?
Жавоб:Пайғамбаримиз с.а.в. йигирма уч йил пайғамбарлик даврида Жаброил а.с.ни йигирма тўрт минг марта кўрганлари ривоят қилинади. Жаброил (а.с)нинг асл ҳилқатларини икки қайта кўрганлар.
(А.Соғуний. Тарихи муҳаммадий. Т:.2020.39-бет).