Аплв1тот1 Jill. V b tk kaffTAlv grant bulalari

Shunday dedi-da, u Taukaning jilovidan ushladi:

— Men ketaman!

— Yo‘q, — dedi xotirjamlik bilan patagoniyalik.

— Men ketaman deyapman! — deb qichqirdi Glenarvan, Talkavning qo‘lidan jilovni tortib olishga tirishib. — Sen bolani qutqar! Uni senga ishondim, Talkav!

Hayajonlanib ketgan Glenarvan ispancha so‘zlar bilan inglizcha so'zlarni aralash qilib gapirardi. Lekin bunday paytda til nima degan narsa! Bunday dahshatli minutlarda butun fikr-maqsad imo-ishora bilan bayon qilinadi, odamlar ham bir-birlariga darhol tushunadilar.
Lekin Talkav so‘zida turib oldi, tortishuv cho'zilib ketdi, xavf esa sekund sari orta borardi. To‘siqning g'ajib tashlangan yog‘ochlari bo'rilarning siqig‘iga taslim bo‘la boshladi.
Na Glenarvan, na Talkav bir-biriga bo‘sh kelmas-di. Hindu Glenarvanni to'siq og‘ziga boshlab keldi-da, bo‘rilardan bo‘shab qolgan qirni ko'rsatdi. U jon kuy-dirib, Glenarvanga bir sekund ham vaqtni qo'ldan boy bermaslik kerakligini tushuntirishga urundi; agar qo‘ldan berilsa, bu yerda qoladiganlar ko‘proq xavf ostida qolishi mumkin, nihoyat, Taukaning kuchi va chaqqonligini hammadan ham men yaxshiroq bila-man, undan sizlarni qutqarish uchun men yaxshiroq foydalana olaman, demoqchi bo‘lardi. Lekin Glenar-

165

van qaysarlik bilan oyog'ini tirab turib oldi: u nima bo‘lsa ham boshqalarni qutqazish uchun o'zini qurbon qilmoqchi edi.
Birdan allakim uni qattiq itarib yubordi. Bezovtalanib, ikki oyoqlab osmonga irg'ishlayotgan Tauka birdan gulxan va o‘lib yotgan bo‘rilar ustidan sakrab o‘tib, qirga otildi.