Аплв1тот1 Jill. V b tk kaffTAlv grant bulalari

yo‘l ochib yurishga to‘g ‘ri keladi, xo‘p deyavering, bu ahvolda yo‘l yurib, bir kunda hech qancha joyni bosib o'tolmaysiz.

Ayrton bu gaplarni juda ishonch bilan aytdi, o‘tir-ganlar savol nazari bilan Paganelga qaragan edilar, u boshini qimirlatib, botsmanning gapini tasdiqladi.

— Shunday ham bo‘lsin deylik, — dedi Jon

415

Mangls. — Hech qisi yo‘q, «Dunkan»ga o‘n besh kun-dan keyin buyruq yuborasiz-qo‘yasiz-da.
— Shuni ham qo‘shib qo‘yay, — deb davom etdi Ayrton, — men aytgan gaplar hali eng muhimi emas, eng katta qiyinchilikni hali aytganim yo‘q,— hali Snou daryosidan o‘tish kerak-ku; buning uchun daryo suvi kamayishini kutishimiz zarurdir?
— Kutish deysizmi? — dedi yosh kapitan. — Uni kechib o‘tib bo'lmaydimi hali?
— Bo‘lmas deyman,— deb javob berdi Ayrton.— Bugun ertalab men kechib o‘tadigan joy qidirib ko'rdim, ammo topolmadim. Yilning bu faslida Snoudek toshqin daryolar kamdan-kam uchraydi. Lekin bunga iloj topib bo‘lmaydi.
— Demak, Snou juda keng ekan-da? — deb so'radi Elen Glenarvan.
— Ham keng, ham chuqur, missis, — deb javob berdi Ayrton. — Eni bir milcha chiqadi, o‘zi juda tezoqar. Undan suzib o'tish hatto usta suzuvchilar uchun ham xatarli.
— Nima bo‘bdi! — dedi Robert bu qiyinchiliklarni nazar-pisand qilmay. — Bironta daraxtni kesamiz-da, orasini o‘yib qayiq yasaymiz, keyin daryodan suzib o‘tib ketamiz. Vassalom!

— Yasha, kapitan Grantning o‘g ‘li! — dedi Paganel.

— To‘g ‘ri aytdi u, — dedi Jon Mangls. — Boshqa ilojimiz yo‘q. Shuning uchun men befoyda muzokar-alarga berilib, vaqtimizni bekor o'tkazmaylik, degan fikrdaman.
— Siz nima deysiz, Ayrton? — deb so‘radi Glenarvan, botsmandan.
— Yordam yetib kelmasa, bir oydan keyin ham Snou bo'yida o'tiravermasak edi deb xavotirdaman, ser.
— Boshqa biror yaxshiroq planingiz bormi, bo'lmasa? — deb so'radi bir oz diqqati oshib Jon Mangls.
— Bor: «Dunkan» Melburndan chiqib, sharqiy so-hilga kelishi kerak.
— Obbo, yana «Dunkan!» Qani, aytingchi, kema Tufold ko'rfaziga kelsa bizning u ko‘rfazga bori-shimiz qanday qilib osonlashadi?
— Men o‘zimning fikrimni o‘tkazmoqchi emas-man. Men faqat hammamizning foydamizni ko‘zlab,