Аплв1тот1 Jill. V b tk kaffTAlv grant bulalari

Vimmeraning o'rtasiga yetguncha ish yaxshi bor-

di. Lekin o‘rtaga kelganda suv chuqurlashib,

g ‘ildiraklarni ko‘mib yubordi. Oqim ho‘kizlarni

chuqur yerga oqizib ketdi, ular o‘zlarini o'nglay ol-may, qalqib turgan aravani ham tortib ketishlari mumkin edi. Ayrton o‘zini shartta suvga otdi-da, ho‘kizlarning shoxidan tortib, past yerga qaytib chiqishga majbur qildi.
Xuddi shu payt arava allanarsaga kelib urildi, qar-sillagan ovoz eshitildi-da, arava bir tomonga qiysha-yib ketdi. Sayohatchi ayollarning oyog‘igacha suv chiqdi. Glenarvan bilan Jon Mangls aravaning taxta-lariga yopishib, uni to‘g ‘rilashga har qancha urin-masin aravani ham, ho‘kizlarni ham suv oqizib keta boshladi. Ahvol juda tang bo‘lib qoldi.
Baxtdan bo‘lib shu payt ho'kizlar shaxt bilan olg‘a intildi-da, aravani tortib ketdi. Suv sayozlasha bordi, ko‘p o‘tmay ho‘kizlar ham, shalabbo bo‘lib ketgan, lekin xursand sayohatchilar ham eson-omon daryo-ning narigi sohiliga chiqib oldilar.
Lekin aravaning oldingi o ‘qi sinib, Glenarvan minib kelayotgan otning esa oldingi oyog‘idagi taqasi tushib qolgandi.
Bu chatoqlarni iloji boricha tez tuzatish kerak edi. Sayohatchilar nima qilishni bilmay, xijolat tortishib, bir-birlariga qarardilar. Ayrton yigirma milcha shi-moldagi Bley-Poynt degan manzilga borib, temirchi olib kelishni taklif qildi.
— Boring, albatta boring, aziz Ayrton, — dedi Glenarvan. — Qanchada borib kelasiz?
— Uzog'i bilan o‘n besh soatda, — deb javob berdi Ayrton.
— Bo‘lmasa, darrov yo‘lga tushing. Biz esa Vimmera daryosi bo'yida manzil qurib, sizni kutib tu-ramiz.
Bir necha minutdan so‘ng Vilsonning otini minib olgan botsman qalin o‘sgan mimozalarning orqasida ko‘zdan g ‘oyib bo‘ldi.