Annotatsiyasi

Mashg’ulot ishlanma
“Harbiy Vertolyot”rasmini chizish
Maqsad: akvarel bilan rasm chizish
Vazifalar: - O’zbekiston armiyasi, harbiy havo kuchlari, harbiy vertolyotlar haqida bilimlarni kengaytirish;

• 
  Topishmoqlarni o’ylab topish malakasini shakllantirish;
  
• 
  Bolalarni bosqichma-bosqich harbiy vertolyot chizishga o‘rgatish;
  
• 
  Ijodkorlik, diqqat, yaratuvchanlik, mayda motorikani rivojlantirish;
  
• 
  Rasmni mustaqil ravishda boyitish qobiliyatini shakllantirish;
  
• 
  Vatan himoyachilariga hurmat, askarlar bilan faxrlanishni tarbiyalash;
  

Kerakli jihozlar: akvarel, mo’yqalam, har bir bola uchun nam salfetkalar, oq qog’oz, rasm namunasi, “harbiy vertolyotlar” rasmlar to’plami.
Mashg’ulotning borishi:
Tarbiyachi: Bolajonlar, yaqinda qanday bayramni nishonlaymiz?
Bolalar: 14-yanvar “Vatan himoyachilari kuni”
Tarbiyachi: To’g’ri topdingiz. Bu kunda barchamiz otalarimizni, bobolarimizni, ukalarimizni va bo’lajak askarlarni tabriklaymiz.
Tarbiyachi: Men hozir sizlarga topishmoqlar aytaman, siz esa tezda topishga harakat qiling.
Tarbiyachi: Barakalla, bolajonlar. Berilgan barcha topishmoqlarni to’g’ri topdingiz. Xo’sh, uchuvchilar qanday qo’shin turlariga kiradi?
Bolalar: Armiyada ham uchuvchilar xizmat qilishadi. Ular bizni yuqoridan, osmondan turib himoya qilishadi.
Vertolyotlarni rasmlar to’plami bo’yicha ko’rib chiqish.

1. 
   “Qora akula” yakka tartibdagi jangovar vertolyot.
   
2. 
   “Tungi ov” harbiy operatsiyalar uchun mo’ljallangan, kecha-kunduz parvozlarni amalga oshiradi.
   
3. 
   Tibbiy vertolyot
   
4. 
   Dengiz vertolyoti
   

Tarbiyachi: Keling, rasmlarni chizishni boshlashdan avval, barmoqlar mashqini o’tkazamiz.
Tarbiyachi: Biz bugun sizlar bilan ikki bosqichda ish olib boramiz: jamoaviy (ko’k) va yakka tartibda (sariq). Jamoaviy bosqichida siz harbiy vertolyotlarni akvarel bo’yoqlari bilan chizasiz. Yakka tartibdagi bosqichda siz applikatsiya usulida vertolyotlarni rangli qog’ozlardan yasashingiz kerak bo’ladi yoki plastilindan foydalanishingiz mumkin. Siz o’zingizga yoqqan bosqichni tanlashingiz va maxsus ajratilgan joylarga borib o’tirishingiz mumkin.