Annotatsiyasi

Bolalar: “ebru”
Tarbiyachi: Ushbu san’at qachon va qayerda paydo bo’lganligi hali noma’lum. San’atshunoslar ushbu san’at Turkiyada paydo bo’lgan deb taxmin qilishadi. “Ebr” so’zi “bulutlarga o’xshash” yoki “shamol va bulut” degan ma’noni anglatadi. Hozir men sizga buni qanday amalga oshirilishini aytib beraman va ko’rsataman. Mana bu idishdagi suv oddiy jo’mrakdan oqayotgan suv emas, balki unga maxsus kraxmal qorishmasi qo’shilgan. Suvning qandayligini qo’lingiz bilan tegib va taqqoslab ko’rishingiz mumkin. (yopishqoq).
Tarbiyachi: Mo’yqalamni bo’yoqqa botirib oling. Bu oddiy bo’yoqlar emas – ular jonli. Endi bo’yoqni yuzaga sepaman. Ishdan keyin mo’yqalamni nam salfetka bilan artib olaman. So’ngra tish tozalagichni olib, o’ngga va chapga, yuqoriga va pastga sekin-asta harakatlantiraman. Bunda ranglar go’yo raqsga tusha boshlaydi. Siz avval naqshlarni tasavvur qilishingiz va keyin ularni chizishingiz mumkin. Bu fon bo’ladi. Men bo’yoqni markazga tomizaman. Qarang, bo’yoq tomchilaridan nimalar hosil bo’ldi? Tish tozalagich bilan aralashtiramiz, chiroyli gullar hosil bo’ladi. Undan ko’plab gullar, yashil barglar va tanasini hosil qilaman. Rasm tayyor bo’lgandan so’ng, qog’ozni yuzaga qo’ydim. Rasm yuzaga bosilishi uchun biroz dazmollayman.
Endi hammamiz birgalikda 10gacha sanaymiz. Men varaqni ehtiyotkorlik bilan chiqaraman. Qarang, biz nimaga erishdik.

Ana endi siz ham o’zingizni sinab ko’rishingiz va bo’yoqlardan mo’jizalar yaratishingiz mumkin. Sizning oldingizda likopcha, bo’yoqlar va tish tozalagich bor. Kim menga yuqorida bajarilgan ishlarni takroran bajarib ko’rsatadi. (bolalar javobi)
Tarbiyachi: Chizayotgan vaqtingizda men sizga, albatta yordamlashib turaman. Ishni toza va ozoda bajaring. Bir-biringizga xalaqit bermang, qo’lingizni turtib yubormang. Shundagina sizda ajoyib rasmlar hosil bo’ladi va siz bu rasmlarni o’zingizda saqlab qo’yishingiz yoki biror-bir yaqin kishingizga sovg’a qilishingiz mumkin.
(sokin musiqa ostida bolalar rasm chizishadi)

Bunday ajoyib texnologiya orqali manzara, natyurmort, portretlar chizish mumkin va rasmlarni nafaqat qog’ozlarga, balki mato, yog’och va shishalarga tushurish mumkin.
Tarbiyachi: Bolalar, qarang, biz qanday sehrli rasmlarni qo’lga kiritdik.

• 
  Siz bilan bugun tanishgan texnologiyamiz qanday nomlanadi?
  
• 
  Bu texnologiya boshqa rasm chizish texnologiyalaridan nimasi bilan farq qiladi?
  

Tarbiyachi: Barakalla, bolajonlar. Siz juda yaxshi ishladingiz va sizda chiroyli rasmlar hosil bo’ldi. Shu bilan, bizning bugungi mashg’ulotimiz o’z nihoyasiga yetdi. Biz oz muddatga bo’lsa-da, kichik sehrgarlarga aylandik va mo’jizalar yarata oldik.