Annotatsiyasi

Bolalar javobi: Bu Buratino.
Tarbiyachi: To’g’ri, bu Buratino. Unga qanday yordam kerak ekan?
Bolalar javobi: Buratinoni qo’g’irchoqlar teatriga kiritishmayapti, chunki u barcha yaxshi so’zlarni unutib qo’ygan.
Tarbiyachi: Keling, unga yordam beramiz. Siz qanday yaxshi, muloyim so’zlarni bilasiz, biz ularni yana “sehrli so’zlar” deb ham ataymiz.
Bolalar javobi: Iltimos, rahmat, kechirasiz, xayrli kun, yoqimli ishtaha, xayr…
Tarbiyachi: Barakalla, mening aqlli bolajonlarim. Siz Buratinoga yordam berganingiz uchun, bizga g’ayrioddiy gulimizning yana bir yaprog’ini berdi. Rahmat senga, Buratino! Xayr! Biz ertaklar kitobi sahifalari bo’ylab sayohat qilishni davom ettiramiz. Keyingi sahifani ochamiz. Bolalar, ko’ring-chi, bu nima ekan?

Bolalar javobi: Bu chiroyli uycha.
Tarbiyachi: Bu chiroyli uychada kimlar yashaydi?
Bolalar javobi: Hayvonlar.
Tarbiyachi: “Rasmni yig’ing” deb nomlangan o’yin yordamida siz bilan birga bu chiroyli uychada yashovchi hayvonlarni eslab olamiz. Ikkitadan bo’lib o’tiring. Men esa sizga kartochkalar berib chiqaman. Ulardan kerakli rasmni yig’ib olishingiz kerak.
(Qirqilgan rasmlar tarqatiladi.)
Tarbiyachi: Bolajonlar, keling, yig’gan rasmlaringizdagi hayvonlar nomini aytib o’ting.
(Bolalar birma-bir aytib o’tishadi.)
Tarbiyachi: Juda yaxshi, bolajonlar, siz bu shartni ham uddalaganingiz uchun, hayvonlar g’ayrioddiy gulimizning yana bir yaprog’ini berishdi. Rahmat, hayvonlar. Xayr. Menga sehrli kitobimizning aytishicha, biz g’ayrioddiy gulimizning barcha yaproqlarini yig’ib olibmiz. Qani, bunga amin bo’lish uchun, qo’limizdagi yaproqlarni bir sanab ko’raylik-chi?
Bolalar javobi: Bir, ikki, uch, to’rt, besh.
Tarbiyachi: Biz nechta yaproq yig’ishimiz kerak edi?
Bolalar javobi: Beshta.
Tarbiyachi: Nima deb o’ylaysiz, biz topshiriqni bajara oldikmi?