Anguage and literature til va adabiyot

d) rivojlantiruvchi maqsad: o‘quvchilarni mustaqil 

fikrlashga o‘rgatish, ularning og‘zaki nutqini oshirish.

Dars turi: aralash. 

Darsda foydalaniladigan usullar: “Keys stadi”, “Aqliy 

hujum”, “Nima uchun?”.

Darsda foydalaniladigan jihozlar:

a) texnik: slaydlar, ekran, kompyuter, disk, “Ikki dil” 

badiiy filmi, Sh.Rashidov haqidagi hujjatli film, olimlarning 

fikrlari;

b) ko‘rgazmali o‘quv qurollar: ma’ruza matni, kitoblar, 

shoir rasmi, albom;

d) tarqatma didaktik materiallar: test va nazorat 

savollari.

Darsning borishi:

I. Tashkiliy qism.

O‘quvchilar bilan salomlashilgach, sinf xonasi va 

o‘quvchilarning darsga tayyorgarligi ko‘zdan kechiriladi, 

davomat aniqlanadi.

II. O‘tilgan mavzuni mustahkamlash.

O‘tilgan mavzu – Abdulla Qahhorning “Dahshat”, “Anor”, 

“Bemor”, “O‘g‘ri”  hikoyalari, “Keys stadi” texnologiyasidan 

foydalaniladi. Bunda o‘quvchilar kichik guruhlarga bo‘linadi 

va har bir guruhga muammoli savollar beriladi. 

1-guruh: “Dahshat” hikoyasidagi Unsin adibning 

boshqa hikoyalari qahramonlaridan nimasi bilan farq 

qiladi?

2-guruh: “Anor” hikoyasida qaysi davr fojiasi qanday 

detallar asosida talqin qilingan? 

3-guruh: “Bemor” hikoyasida yozuvchi bemor deb 

kimlarni nazarda tutadi va nima uchun?

4-guruh: “O‘g‘ri” hikoyasida  haqiqiy o‘g‘rilar kimlar va 

ularni adib qanday talqin qilgan?

O‘quvchilar berilgan savollarga javob beradilar, qolgan 

guruhlarning kamchiliklarini ham to‘ldiradilar.