Anguage and literature til va adabiyot

O‘zbekiston xalqaro islom akademiyasi

Matbuot xizmati

Z U L F I Y A X O N I M   I Z D O S H I

---

(Davomi. Boshi 3-4-betlarda)

T o‘ t i:

Hudhud, qushlar ichra ulug‘ martabang,

Sening tajribang ko‘p, ko‘p biliming ham.

Sen bir ummon bo‘lsang, biz bir tomchimiz,

Agar o‘rmon bo‘lsang bitta xasmiz biz.

Shuning uchun bizni aylagin ogoh,

Qanday sifatlarga ega bizning shoh?!

H u d h u d:

U bir oliyjanob shahanshoh erur,

Go‘zalligi sochar jilvalanib nur.

Uning soyasidan qushlar yaralgan,

Keyin qushlar olam uzra taralgan.

Bilingiz, biz qushlar Simurg‘ga soya,

Shu bois u bizga shoh va himoya.

Shohimiz taratur shunday yorqin nur,

U tomon qaragan ko‘zlar qamashur.

Ko‘zlar ko‘ra olmas tursin yonma-yon,

Ko‘ngul ko‘zgusida Simurg‘ namoyon.

Qushlar  chug‘urlashadi, yana maslahatla-

shadi.

T o‘ t i:

Ko‘p yo‘l bosdik, qancha xavf-xatar ko‘rdik,

Shukur, biz ulardan sog‘-omon o‘tdik.

Oldinda yo‘l olis, kutar xavf-xatar,

Aytgin, nima qilsak ulardan asrar?

Bu yo‘l sifatidin bergin ma’lumot,

O‘gitingga moslab yozaylik qanot.

H u d h u d:

Bu yo‘lning eng oliy sifati ishqdir,

Oshiqlarga esa o‘git oshiqdir.

Simurg‘ ishqi bilan yonsa jonimiz,

Manzilga omon yetkay karvonimiz.

Oshiq jonon uchun kechgaydir jondan,

Simurg‘ni yod etib uching shu ondan.