Andijon viloyati Andijon tumani 22 umumiy o’rta ta’lim maktabi

Andijon viloyati Andijon tumani
22 – umumiy o’rta ta’lim maktabi
Boshlang’ich talim fani o’qituvchisi
O’g’ilxon O’smanova Turdaliyevnaning
“Savod o’rgatish davrida o’quvchilar nutqini o’stirish”
mavzusida yozgan metodik qo’llanmasi.
2022 – o’quv yili


Taqrizchilar:
Andijon viloyati Andijon tumani Xalq ta’limi boshlang’ich ta’lim fanlari metodisti Yusupova Gulzora Jumaboyevna
Andijon tumani 22-umumiy o’rta ta’lim maktab direktori G M.Madumarova
Andijon tumani 22-umumiy o’rta ta’lim maktabi O’IBDO’ S.A.Xusanova
Andijon tumani 22-umumiy o’rta ta’lim maktabi boshlang’ich ta’lim fanlari metod birlashma rahbari X.F. Komilova

Ushbu metodik qo’llanmada savod o’rgatish davrida o’quvchilarning nutqini o’stirishga e’tibor qaratilgan. Bizga ma’lumki nutq ikki ko’rinishda bo’ladi. Og’zaki va yozma nutq. Bular bir-biriga uzviy bog’langan bo’lib, har birining o’ziga xos xususiyati bor. Qo’llanmada bu xususiyatlar har tamonlama keng va

aniq,tushunarli qilib yoritib berilgan. Bundan tashqari o’quvchilar nutqida uchraydigan kamchiliklar, ularni bartaraf etish yo’llari ham qayd etilgan. Bunda asosiy maqsad, maktabga endigina qadam qo’yayotgan jajji bolajonlarning og’zaki va yozma nutqlarini shakllantirish, savod o’rgatish davrida amaliy mashg’ulotlarga e’tibor berish, jonli va qiziqarli narsalardan, texnika vositalaridan, har xil o’yin turlaridan foydalanish tavsiya etilgan. Hozirgi kunda bizning vazifamiz o’quvchilarni ma’naviy yetuk, har tamonlama bilimdon, teran fikrlay oladigan, oq-qorani farqlaydigan, dunyoqarashi keng,jamiyatga munosib kadrlar qilib ta’lim- tarbiya berishdan iboratdir.Hozirda Milliy dasturda beigilangan rejalar asosida 1-2-sinflarda darsliklar joriy etilgan.Bunda asosiy maqsad- asl mohiyatni anglab,amaliyotga joriy etish,o’quvchilarni mustaqil hayotga tayyorlab borishdan iborat. Bu darslikda asosan hayotiy ko’nikmalar berilgan.O’quvchilarni kelajakda o’z yo’nalishlari bo’yicha kommuniktiv yondashtirish kerak.Bunda ham asosiy e’tibor og’zaki va yozma nutqqa qaratiladi.Zero shunday ekan, savod o’rgatish davridanoq o’quvchilarning nutqini shakllantirishga e’tiborni kuchaytirish zarur. Qo’llanmada tavsiya etilgan o’yin turidagi mashq lar o’quvchilarni ijodiy fikrlashga, o’z ustida ishlashga, og’zaki va yozma nutqini o’stirishga, teran fikrlashga, lug’at boyligini o’stirishda,xizmat qiladi. Shu bilan birga ularda kitob o’qishga bo’lgan qiziqishlarini oshirib boradi.