Kirish Tarix o`quv xonalarini zamonaviy jihozlash

MAVZU:TARIX XONASINING O’QITUVCHI TOMONIDAN ILMIY-METODIK JIHOZLANISH TALABLARI.
REJA:

1. 
   Kirish
   
2. 
   Tarix o`quv xonalarini zamonaviy jihozlash
   
3. 
   Xulosa
   
4. 
   Foydalanilgan adabiyotlar ro`yxati
   

K I R I S H
Kadrlar tayyorlash milliy dasturining maqsadi - ta’lim sohasini tubdan isloh qilish, uni o`tmishdan qolgan mafkuraviy qarashlardan to`la xalos etish, rivojlangan demokratik davlatlar darajasida, yuksak ma’naviy va axloqiy talablarga javob beradigan yuqori malakali kadrlarni tayyorlash imkonini yaratdi.
Bunda ta’lim sifati va samaradorligini tubdan o`zgartirish asosiy maqsad sifatida qo`yildi. Zamonaviy ta’limga xizmat qiladigan o`qitish metodikasi va uning tamoyillari ishlab chiqildi.
O`quvchilarning fan asoslarini egallashga bo`lgan ehtiyojlarini qondirish, qiziqishlarini ortirish va ta’lim-tarbiya jarayonida milliy va umuminsoniy qadriyatlar ustuvorligini ta’minlash, inson, jamiyat va atrof muhitning o`zaro munosabatlarini uyg`unlashtirish, ta’lim oluvchilarda ongli intizom, insoniy qadr-qimmat tuyg`usi, yuksak, huquqiy madaniyat va ma’naviy hamda ijodiy fikrlashni tarkib toptirish maqsadida o`qitish jarayoniga yangicha, zamonaviy talablar asosida yondashilmoqda.
Tarix o`quv xonalarini zamonaviy talablar asosida jihozlash o`qituvchilarda metodik ijodiyotga sharoit yaratib berib tarix xonasi o‘qituvchining tayyorgarligiga yuqori talab qo‘yadi. O‘qituvchi xonadagi diafilm, kinofilm, fonozapis va xokozolarning mazmuni bilan yaxshi tanish bo‘lishi kerak. Har tamonlama jihozlangan o`quv xonasidagi bor materiallarni darsda kompleks foydalanish masalasi turadi. Bunday o`quv xonalar ta’lim usul va natijalariga, o‘quvchilarning rivojlanishi va tarbiyasiga ta’sir etadi. O`quv xonasi o‘quvchilarda qiziqish uyg‘otadigan, tafakkurini o‘stiradigan o‘rinda bo‘lishi kerak.
Tarix o`quv xonalarini zamonaviy talablar asosida jixozlash, ta’lim tarbiya ishlarida katta effekt bo‘lishini ta’minlashga qaratilishi kerak. Jahon talablariga javob beradigan tarix o`quv xonalarida o‘qituvchi va o‘quvchilarning faoliyatini yuksaltiradigan jihozlar talab qilinadi. Pult bilan boshqariladigan texnik o‘qitish usullari katta ahamiyatga ega hisoblanadi. Pult bilan boshqariladigan texnika vositasi agar u o‘qituvchi stolida o‘rnatilsa ham vaqt tejaladi ham tarix fanida o`rgatilayotgan mavzu haqida ko`proq ma’lumotlar berish imkoniyatini yaratib beradi.
Tarix o`quv xonalarida o‘qituvchi boshchiligida o‘quvchilarning maketlar, modellar tayyorlash ayniqsa katta ahamiyatga ega. Chunki o`quv xonasini jihozlash aynan o`quvchilar yordamida amalga oshirish o`quvchilarning kelajakda o`quvchilarda ham o`z faoliyatiga qarab xonalarni jihozlash ko`nikmasini hosil qiladi.