Kasblar ichida eng sharaflisi, o’qituvchi- murabiylardir

TOSHKENT VILOYATI CHIRCHIQ DAVLAT
PEDAGOGIKA INSTITUTI
“Boshlang‘ich ta’lim” fakulteti 5111700
“Boshlang‘ich ta’lim” yо‘nalishi 20/12-guruh talabasi
Maxmayusupova Dilorom Ubaydullayevnaning
ustoziga bag‘ishlab yozgan
“Sevimli ustozim”nomli maqolasi.

Dunyoda imoratlar ichida eng ulug‘i maktab bo’lsa,

Kasblar ichida eng sharaflisi, o’qituvchi- murabiylardir.
SH.M Mirziyoyev.
USTOZ ! SHu birgina so’z zamirida olam – olam ma’no va hurmat mujassam. O’qituvchi – sofdil, kamtarin, ma’naviy boy, ahloqan pok insondir. Ularning poyiga guldastalar sochsak doimo hurmatlarini ado etib, ardoqlasak arziydi. Chunki ustozlar, butun kuchlarini, aql-idroklarini, bilim va zehinlarini, qalb qo’rini shogirdlariga baxshida etgan zahmatkashlardir. Ular bizga oq-qorani, yaxshi-yu–yomonni tanitib, qo’limizga ilk bor qalam tutqazib “Ota”, “Ona”, “Vatan”, “Ezgulik”, “Baxt”,“Sadoqat” kabi so’zlarni yozishni o’rgatgan eng buyuk zotlardir.
Birinchi sentabr. Hamma o’qituvchilar kutgan kun. Ertalabdan onam qo’limdan tutib, maktab tomon yetakladilar. Mana maktab hovlisi. O’quvchlar gavjum. Bizni bir mehribon inson qarshi oldilar. Bu inson birinchi ustozim Bobotayeva Ra’no Pardayevnaedilar.
Ular meni sekin sinf xonasi tomon yetakladilar. Sinfxonasida men qatori bolalar ko’p edilar. Biz o’qish, yozish u yoqda tursin, hatto partada durustroq o’tirishni bilmas edik. Qo’ng’iroq chalindi. Hamma
tanish- notanish o’rtog’i bilan hoxlagan partasiga borib o’tirdik.
Hali hanuz esimda, men bir to’pori, o’yinqaroq, sho’x qiz edim.
Uztozim menga to’rt yil davomida o’qishni, yozishni, shu bilan birga maktabda, darsda, odamlar orasida o’zini qanday tutishni o’rgatdilar. Vatan, ona so’zlarini o’qilishi, yozilishi, ma’nosini tushuntirdilar. Ular shu qadar mehribon edilarki, qancha to’ploln qilsak ham koyimas, aksincha yaxshi so’zlar bilan, muloyimgina tartibga chaqirar edilar. Men shu insonga havas qilib, boshlang’ich sinf o’qituvchisi bo’lishni orzu qildim va shu orzuimga erishdim. Haligacha shu insonni ko’rsam, ularga minnatdorligimni bildiraman.
Hurmatli, Ra’no opa! Menga o’qish yozishni, oq- qorani,
Ona-Vatanni sevishni o’rgatganingiz uchun boshim yerga tekkuncha ta’zim qilaman. Doimo sog’ bo’lib yuring . Sizga atab ushbu to’rtlikni bitdim.
Men maktabga ilk bor kelganda
U kishi quchog’in ochdilar menga.
Boshlang’ich sinfda berdingiz ta’lim
Rahmat sizga, aziz, uztoz-muallim.