Andijon davlat universiteti pedagogika fakulteti

2-ilova 

OTA-ONAGA MUHABBATLI QIZ 

Qadim  zamonda  o‗g‗ri,  xiyonatchi  kishilarning  ayblari  isbot  etilsa, 

qo‗llarini  kesar  edilar.  Kunlardan  bir  kun  shahar  hokimining  huzuriga  o‗g‗rilik 

bilan  ayblangan  bir  kishini  keltirdilar.  Hokym  uning  qo‗lini  kesishga  buyurdi. 

Xalq  yig‗ildi.  O‗g‗rini  jazo  maydoniga  keltirdilar,  jallod  hozirlandi.  Shu vaqtda 

bir kichik  qiz hokim  yoniga  keldi.  Tiz cho‗kib, yig‗lab aytdi: 

—  Aziz  hokimimiz,  nojo‗ya  ish  qilgani  uchun  otamning  qo‗lini 

kesishga  buyurgansiz.  Bilaman,  nojo‗ya  ishi  uchun  jazo  berishga  haqlisiz. 

Otamning  mendan  boshqa  yana  to‗rtta  kichik  farzandi  bor.  Onamiz  —  kasal, 

bizlarni  boqa  olmaydi.  Agar  otamizning  qo‗lini  kesdirsangiz,  hammamiz 

ochdan o‗lamiz, chunki bizning yashashimizga faqat otam sababchidir. Bizlarga 

rahm  qiling,  otamizning  qo‗lini  kesdirmang,  agar  qo‗l  kesmasdan  boshqa  iloj 

topilmasa,  u  vaqtda  otamizning  qo‗li  o‗rniga  mening  qo‗limni  kesdiring. 

Hokim  kichik  qizda  ota-onaga  muhabbat  shu  qadar  kuchli  ekanidan  hayratda 

qoldi. Yana uni sinamoq uchun: 

—  Mayli,  otang  qo‗li o‗rniga  sening  qo‗lingni  kesdiraman. Ertagacha 

senga muhlat  beraman. Yaxshilab  o‗yla, keyin  pushaymon yemagil,  — dedi. 

            Ertasi  kun  qizning  otasining  qo‗lini  bog‗lab  jazo  maydoniga 

keltirdilar,  qiz ham hozir bo‗ldi. Otasini ko‗rgach, sevinib: 

— Otajon,  sira  qo‗rqmang,  men  hokimga  «Otamiz  qo‗li  o‗rniga  mening 

qo‗limni  kesdiring»  deb  yalindim.      U    kishi      qabul      qildi.      Hozir      mening 

qo‗limni      kesib,      sizni      ozod      qiladilar,      —      deb 

qo‗lini  jallodga  uzatdi. 

Qizning  so‗zlarini  eshitib,  ota-onaga  bo‗lgan  kuchli  muhabbatini  anglagan 

hokim  qattiq  ta‘sirlandi.  Jazo  maydoniga  yig‗ilgan  xalq  ham  chidolmay  ko‗z 

yoshlarini  to‗qdi. 

Hokim  darhol  qizning  otasini  ozod  etdi,  qizni  erkalab,  ardoqlab  ko‗p  iltifotlar 

ko‗rsatdi. Ota-bola quchoqlashib, sevina-sevina uyga qaytishdi. 

---

 

54 

 

Hokim  jazo  maydonidagi  bir  marmar  tosh  ustiga:  «Bir  yoshgina  qiz  otasining 

qo‗li  o‗rniga  o‗z  qo‗lini  fido  etishni  istadi.  Shu  qizdek  farzandga  ega  bo‗lgan ota-

ona qanday baxtiyordir», degan jumlani yozishga amr etdi: 

Har odamning bo„lsa farzandi

 

shu qizdek. mehribon,

 

                       Baxtu iqbol u odamning yoribo„lgay begumon!