Andijon davlat universiteti maktabgacha pedagogika kafedrasi maktabgacha pedagogika

YOsh avlodni komil inson qilib tarbiyalashda tarbiya turlari.

Hozirgi davrda maktabgacha ta’lim yoshidagi bolalarni tarbiyalashning maqsad va vazifalari jumhuriyatimizning hujjatlarda o‘z aksini topgan. Maktabgacha ta’lim muassasalari oila bilan uzviy hamkorlikda bolalarni har tomonlama rivojlantirish ishini amalga oshiradi:

• 
  Bolalar sog‘ligini saqlaydi va mustahkamlaydi, jismoniy rivojlanishini ta’minlaydi;
  
• 
  Bilimga qiziqishi va qobiliyatlarini rivojlantiradi;
  
• 
  Vatanga, tabiatga, ona o‘lkaga muhabbatni, kattalarga hurmatni, o‘rtoqlik va jamoachilik, hayrihohlik, hulq madaniyati, mustaqillik, uyushqoqlik va intizomni, mehnatsevarlikni tarbiyaladi;
  
• 
  Estetik tarbiyani amalga oshiradi.
  

Tarbiya turlaridan to‘g‘ri foydalana olish maktabgacha tarbiya yoshdagi bolalarni har tomonlama kamol toptirishda muhim ahamiyat kasb etadi.

Tarbiya turlari xilma-xil tasnif etilish tavsifiga ega. Ko‘proq umumlashgan tasnif o‘zida aqliy, mehnat, jismoniy tarbiyani qamrab oladi. Ta’lim muassasalaridagi tarbiyaviy ishlarning turli yo‘nalishlari bilan bog‘liqlikda fuqarolik, siyosiy, baynalmilal, axloqiy, estetik, mehnat, jismoniy, huquqiy, ekologik, iqtisodiy tarbiyaga bo‘linadi. Institutsional belgilari bo‘yicha oila, ta’lim muassasasi, ta’lim muassasasidan tashqari, diniy, bolalar, yoshlar tashkilotlaridagi tarbiya, maxsus ta’lim muassasalaridagi tarbiyaga bo‘linadi.

Tarbiya va tarbiyalanuvchilar orasidagi munosabatlar uslubiga ko‘ra avtoritar, demokratik, liberal, erkin tarbiya; turli falsafiy konsyepsiyalar bilan bog‘liqlikda pragmatik, aksiologik, jamoaviy, individual tarbiya farqlanadi.