Andijon davlat tibbiyot instituti

Emulsiya - Emulsum
(Emulsiya - bosh kelishik birlikda Emulsum, qaratqich kelishik birlikda Emulsi,
qisqartmasi Emuls.)
Emulsiyalar suvda erimaydigan suyuq dorini (yog‘lar, efir moylari, balzamlar) mayda zarrachalarga aylangan, muallaq holda bo‘lgan, sutsimon suyuq dori shaklidir. Ichishga va sirtga qo‘llash uchun emulsiyalar tafovut qilinadi.
Ichish uchun emulsiyalar Sirtga ishlatiladigan
Emulsa ad usum internum emulsiyalar
Suyuq surtmalar yoki linimentlar
Emulsa ad usum externum s.
Yog‘li (moyli) urug‘li Linimentum
emulsiyalar emulsiyalar (Suyuq surtmalarga qarang)
Emulsa oleosa Emulsa seminalia
Emulsiyalarning afzalligi dorining noxush mazasi va hidi emulsiya holida iste’mol qilinganda ancha yaxshilanadi.
Emulsiyalar ichish va sirtga qo‘llash uchun buyuriladi, ishlatishdan oldin chayqatiladi. Ichish uchun emulsiyalar yog‘li va urug‘li bo‘lib ko‘proq yog‘li emulsiyalar ishlatiladi.
Emulsiyalar kanakunjut moyi (Oleum Ricini), bodom moyi (Oleum Amydalarum), baliq yog‘i (Oleum jecoris Aselli) va boshqalardan tayyorlanib, barqarorligini oshirish maqsadiga doriga nisbatan 2:1 nisbatda emulgator qo‘shiladi (o‘rik yelimi - Gummi Armeniacae, jelatoza - Gelatosa va boshqalar).
Emulsiyalarga retsept kengaytirilgan va qisqartirilgan ko‘rinishda yoziladi.
Kengaytirilgan ko‘rinishda hamma tarkibiy qismlar ko‘rsatiladi:
Misol: 20 ml baliq yog‘idan (Oleum jecoris Aselli, Fish oil) tayyorlangan 200 ml emulsiyani 1 mahalga ichishga buyurilsin. Iste’moldan oldin chayqatilsin.

Rp.: Olei jecoris Aselli 20 ml

(Fish oil)
Gelatosae 10,0
(Gelatoze)
Aq.destill. ad 200 ml
(Aqua destillata)
M.f. emulsum
D.S. Chayqatib, 1 mahalga ichish uchun.
Qisqartirilgan ko‘rinishida retsept emulsiya so‘zidan boshlanib, yog‘ning nomi, miqdori va emulsiyaning umumiy hajmi ko‘rsatiladi.

Rp.: Emuls. olei jecoris Aselli 20 ml - 200 ml

(Fish oil)
D.S. Chayqatib, 1 mahalga ichilsin