Андижон давлат тиббиёт институти факультатив, госпитал терапия, халқ табобати ва эндокринология кафедраси

ГИПОФИЗАР НАНИЗМ
Гипофизар нанизм (грек.), синонимлари – паканалик, микросомия – бўй ўсишининг кескин орқада қолиши билан кечади, унинг асосида гипофиз олдинги бўлаги соматотроп гормони синтезининг бузилиши ётади.
Кенг маънода олганда нанизм – бу фақат гипофизнинг шикастланиши натижасида СТГнинг абсолют ёки нисбий етишмаслиги билангина эмас, балки унинг гипоталамус орқали регуляциясининг бузилиши, СТГ биосинтезидаги дефектлар ва бу гормонга тўқималар сезувчанлигининг бузилиши натижасида ривожланиши мумкин.
Кўпчилик беморларда СТГ гормони билан биргаликда гипофизнинг бошка троп гормонларининг етишмаслиги ҳам учрайди. Турли муаллифлар далилларига кўра нанизмнинг учраши 3000-5000: 1 дан 30000:1 ни ташкил этади.
ЭТИОЛОГИЯ ВА ПАТОГЕНЕЗ.
Гипофизар нанизм асосан генетик касаллик бўлиб, асосан рецессив йўл билан наслга ўтади. Бу касалликнинг наслга 2 хил – аутосом йули ва Х-хромосома орқали ўтади деган тахминлари бор.Касалликда СТГ секрецияси дефекти билан биргаликда ГТГ ва ТТГ секрециясининг етишмаслиги ҳам кузатилади.
Нанизм фақат СТГ гормонининг (изоляцияли) етишмаслиги билан ҳам учрайди. Паканаликга олиб келувчи омилларга: СТГ нинг етишмаслигидан ташкари бу гормонларга тўкималар сезувчанлигининг пасайиши, иммунореактив инсулин (ИРИ) миқдори, инсулинга ўхшаш ўсиш факторлари (ИРФ) биринчи (соматомедин) ва иккинчи турларининг етишмаслиги киради.
Ларон нанизмнинг ривожланишида ИРФ -I ва ИРФ – II нинг етишмаслиги, Африка пигмейларида эса ИРФ-I нинг (соматомединнинг) етишмаслиги ётади:
Нанизмни келтириб чиқарувчи сабабларга МНСнинг хомилалик ёки эрта болалик даврда органик шикастланиши, гипофизнинг яхши ривожланмаслиги, турк эгари шаклланишининг бузилишлари, гипофиз кисталари ёки бошка ўсмалар туфайли шикастланиши, травмалари, инфекциялар (туберкулёз, сифилис, малярия, токсоплазмоз, сепсис ва б.к) киради.
Нанизмнинг ривожланишида қўшимча омилларга: озиқ-овқат инградиентларининг етишмаслиги (оқсиллар камлиги, микроэлементлар ) рух етишмаслиги, нокулай ташки мухит, сурункали касалликлар, (масалан гломерулонефритда азотемия, жигарнинг шикастланишига ва саматомедин ишлаб чиқарилишининг бузилишига сабаб бўлади), жигар циррозлари сабаб бўлади.