Андижон давлат тиббиёт институти факультатив, госпитал терапия, халқ табобати ва эндокринология кафедраси

ТАШХИСЛАШ

Қандли диабет касаллиги ташхиси таҳлиллар ёрдамида олиб борилади. Қонда глюкоза миқдорини орттолуидин, глюкозооксидаза усули билан, автоанализторлар ёрдамида аниқлаганда нормада -3,3-5,5 (60-100 мг%) моль/л га тенг. Қонда қанд миқдорини Хагедорн-Иенсен усули билан аниқланганда нормада 3,89-6,66 ммоль/л (70-120 мг% ) ни ташкил қилади.

Қуйидаги текширувлардан бири мусбат бўлса, диабет ташхиси қўйилади:

1. 
   Чанқаш, оғиз қуриши, озиш ва қонда глюкоза миқдори 11,1 (200 мг%) миллимоль/л дан юқори бўлса (беҳосда).
   
2. 
   Қонда глюкоза миқдори наҳорда 6,1 ммоль/л (126 мг%) дан юқори бўлса.
   
3. 
   глюкоза ичирганимиздан 2 соатдан кейин 11,1 ммоль/лдан юқори бўлса.
   

Аниқ ташхис қўйиш учун шу текширувларни қайтариш керак бўлади. Қонда гликирланган гемоглобин миқдорини аниқлаш ташхисга ёрдам беради.
Наҳорга қонда қанд миқдори эрталабки овқатланишдан аввал ва саккиз соат давомидаги очликдан кейинги ҳолатни билдиради.
Постпрандиал гликемия бу овқатдан 2 соатдан кейинги глюкоза миқдори.
ГТТ- глюкозага турғунлик синамаси қондаги қанд миқдорини кўрсаткичига иккиланган ҳолатларда ташхисни аниқ қўйиш учун фойдаланилади. Бундай ҳолатларда қонда қанд миқдори оғиз орқали глюкоза берилишидан олдин ва 2 соатдан кейин аниқланади.


Қандли диабетни ташхислаш кўрсаткичлари ва углевод
алмашувининг бошқа ўзгаришлари (ВОЗ, 1999)

Глюкозани	концентрацияси,	моль/л	(мг%)
	Умумий қон	Плазма
	Вена қонда	Капиляр	Вена қонда
	Нормада
Нахорда	3,3-5,5 (59-99)	3,3-5,5 (59-99)	4,0-6,1 (72-110)
Ва ГТТ дан 2 соатдан кейин	6,7(>120)	<7,8 (<140)	<7,8 (<140)