Андижон давлат тиббиёт институти факультатив, госпитал терапия, халқ табобати ва эндокринология кафедраси

2. Вирусли инфекция.
1-тур КД га мавсумийлик ҳосдир. Кўпинча болалардаги ҚДнинг 1 тури куз ва қиш мавсумларида (кўпроқ октябр ва январ ойларида) биринчи бор ташҳисланади. КД-1 тури кўпинча эпидемик паратит, қизилча, қизамик, вирусли гепатит, энтеровирус инфекцияси каби вирусли касалликлардан сўнг ривожланади. Вируслар В-ҳужайралар мембранасини шикастлаб инсулитлар ривожланишига олиб келади. Мембрананинг шикастланиши унинг антигенлик ҳусусиятини ўзгартиради ва аутоиммун реакцияларининг бошланишига сабаб бўлади. Бу ҳолат эса В-ҳужайралар фаолиятининг бузилишларини кучайтириб инсулин секрециясининг пасайиши ёки бутунлай йўқолишига олиб келади
3. Аутоиммун шикастланишлар.
Ҳозирги замон тасаввурида КД 1 тури аутоиммун касалликдир (кўпинча бошқа аутоиммун касалликлари билан – аутоиммун тиреоидит, идиопатик буйрак усти безларининг етишмовчилиги билан бирга кечади). Беморларнинг 50-70% да ошқозон ости бези оролчалари антигенларига нисбатан Ig G синфи антителолари аниқланади. Антителолар турлари: 1) оролчалар юзаки антигенларига нисбатан антителалар (асосан В-ҳужайраларга таъсир қилишади); 2) цитоплазматик антителолар (оролчадаги эндокрин ҳужайраларининг ҳамма турларига таъсир қилади); 3) комплемент боғловчи цитотоксик антителолар. 4) глутаматдекарбоксилазага (В-ҳужайраларнинг специфик антигени) нисбатан антителолар. В-ҳужайралар компонентига бўлган антителолар биринчи ўринда глютоматдекарбоксилазага (anti - GAD) ҚД 1-турини ривожланишидан 8-10 йил аввал пайдо бўлишади. Антителолар В- ҳужайраларни шикастлаб инсулин секрециясини бузилишига олиб келади. Бундан ташқари Т-супрессорлар дефицити кузатилади.
4. Ошқозон ости бези структурасининг бузилишлари ва касалликлари.
В-ҳужайраларининг бевосита шикастланиши ва инсулин секрециясининг бузилишлари қуйидаги сабаблар натижасида ривожланади.
- ўткир панкреатитнинг оғир турлари (панкреонекроз)
- склерозловчи сурункали панкреатит,
- ошқозон ости бези резекцияси
- гемохроматоз ва б.қ.
5. В - ҳужайраларни шикастловчи цитотоксик моддалар.