Андижон давлат тиббиёт институти факультатив, госпитал терапия, халқ табобати ва эндокринология кафедраси

Даволаш.
Эндокрин офтальмопатияни эффектив даволаш шартига қалқонсимон бези касалликларининг адекват компенсацияси ва эутиреоид статусни турғун ушлаб туриш киради. Эндокрин офтальмопатия ДТБни оператив ёки радиоактив даволашга қарши кўрсатма ҳисобланмайди. Ятроген гипотиреоз офтальмопатиянинг кучайишига олиб келади, чунки Т3 нинг гликозомингликанларга ингибирловчи таъсири камаяди.
Эндокрин офтальмопатиянинг фаол фазасида глюкокортикоидлар билан даволаш тавсия килинади. Глюкокортикоидлар офтальмопатиянинг II-босқичидан бошлаб қўлланилади. Енгилроқ ҳолатларда ёруғликга қарши кўзойнак тақиш ва дексаметазон томчиларидан фойдаланиш кифоя қилинади. Даволаш курси 4-6 ойдан кам бўлмаслиги керак.


Расм 12. Претибиал микседеманинг оғир кечиши.
Болдир териси, тери ости тўқимасининг кучли гипертрофияси.
а - олди томони; б - ён томони;

Преднизолоннинг ёки унга эквивалент бўлган бошқа глюкокортикоидларнинг (метипред, дексаметазон) бошланғич миқдорлари 50 - 100 мг/сут. бўлиб, 2 ҳафта давомида берилади, кейинчалик дори миқдорлари 2 баробар камайтирилади, шундан сўнг 3 ой давомида секин-аста 5 мг гача камайтирилади (ушлаб турувчи миқдор) ва 5 мг дан яна 2-3 ой берилади. Оғир, тез ривожланувчи офтальмопатияни даволаш пуль-терапия курсидан, 1000-1200мг дан ( кунига) 3 кун давомида преднизолон томир ичига берилишдан бошланади, кейинчалик юқорида

кўрсатилган схемага ўтилади. Глюкокортикоидлар билан даволашнинг нафи бўлмаган ягона ҳолатларда циклоспорин А, октреотид билан даволаш тавсия қилинади. Илгари қўлланилган ретробульбар соҳасига дексаметазон юбориш усулидан, ҳозирги вақтда воз кечилди, чунки бу усулни қўллаш иккиламчи глаукоманинг келиб чиқишини, ретробульбар соҳада чандиқлар ҳосил бўлишини ва қон ва лимфа оқимининг қийинлашувини чақириши мумкин. Глюкокортикоидлар билан даволашдан сўнг уларни нафи етарли бўлмаган тақдирда орбитага рентгенотерапия билан таъсир қилиш қўлланилади.
Оғир ҳолатларда, кўрлик ҳавфи кучайганида орбита декомпрессияси ўтказилади. Бу операция вариантларидан бирига орбита туби ёки уни латерал девори олиб ташлаш киради, бу ҳолат экзофтальмнинг 5-7мм га камайишига олиб келади. Келтирилган даволаш усулларини қўллаш натижасида фақат 30% беморда офтальмопатиянинг яҳшиланиши, 60% ҳолатда касалликнгинг стабилизацияси, қолган 10% ҳолатда эса жараённинг кучайиши кузатилади.