Analog va Raqamli tv tizimining tuzilish sxemasi, uning qism va elementlarining vazifalari

Analog va Raqamli TV tizimining tuzilish sxemasi, uning qism va elementlarining vazifalari.


Raqamli TV taraqqiyoti va imkoniyatlari
REJA:
1. Televideniening rivojlanish bosqichlari:


2. Raqamli TV tizimining tuzilish sxemasi, uning qism va
elementlarining vazifalari:


3. Raqamli TV taraqqiyoti va imkoniyatlari:

Televideniening rivojlanish bosqichlari.

Telekommunikatsiya sohasida ma’lum raqamli usullarning qo‘llanilishi TV signallarini shakllantirish va uzatishda xalaqitlar tufayli yuzaga kelgan buzilishlarni kamaytirish, shuningdek boshqa qator masalalarni yechishda anchagina samarali natijalarni berdi. Shu sababli oxirgi yillarda asosiy e’tibor raqamli televideniega qaratilmokda. Raqamli televidenie televizion texnikaning bir yunalishi bo‘lib, unda TV signalga ishlov berish, konservatsiya va uzatish uni raqamli shaklga aylantirish orqali amalga oshiriladi.

Raqamli TV tizimini ikki guruxga ajratish mumkin. Birinchi gurux tizimlarida butunlay raqamli traktlar va qurilmalar ishlatiladi, uzatilayotgan tasvirni raqamli signalga o‘zgartirish va qabo‘l qilish ekranida raqamli signalni yana tasvirga aylantirish bevosita yorug‘lik- signal va signal-yorug‘lik o‘zgartirgichlarida amalga oshiriladi. Tasvirni uzatish traktining barcha bo‘g‘inlarida axborot raqamli shaklda beriladi. Kelajakda mana shunday o‘zgartirgichlar yaratilishi mumkin, lekin hozirgi vaqtda bunday qurilmalar mavjud emas, shuning uchun raqamli TV ning ikkinchi gurux tizimlarini o‘rganish maqsadga muvofiqdir.
Bunda datchiklardan olingan analog TV signalni raqamli shaklga aylantirish va so‘ng kerakli ishlov berish, uzatish yoki konservatsiyalash bajariladi. TV tasvirni tiklash uchun uni yana analog shakliga aylantiriladi. Bu tizimda mavjud analog TV signal datchiklari va televizion qabul qilgichlarda signal-yorug‘lik aylantirgichlari ishlatiladi.
Bunday tizimlarda raqamli televideniyaning kirish traktiga analog TV signal keladi, so‘ng u kodlanadi, ya’ni raqamli shaklga o‘zgartiriladi. Aylantirish jarayoni diskretlash, kvantlash va to‘g‘ridan-to‘g‘ri kodlash operatsiyalarini o‘z ichiga oladi. Quyidagi rasmda analog signalni raqamli signalga aylantirish jarayoni ko‘rsatilgan.